മോദി പരാമർശത്തിൽ കോൺഗ്രസ് നേതാവ് രാഹുൽഗാന്ധിയെ ശിക്ഷിച്ച മജിസ്‌ട്രേറ്റ് ഉൾപ്പെടെ 68 പേർക്ക് യോഗ്യത മറികടന്ന് സ്ഥാനക്കയറ്റം നൽകിയെന്ന ഹർജി സുപ്രീംകോടതി ഉത്തരവിനായി മാറ്റി.
സമാനമായ വിഷയം മറ്റൊരു ബെഞ്ചിന്റെ പരിഗണനയിലിരിക്കേ ജസ്റ്റിസ് എം.ആർ. ഷായുടെ ബെഞ്ച് ഈ കേസ് പരിഗണിച്ചതിനെക്കുറിച്ച് ചോദ്യമുയർന്നതോടെ സുപ്രീംകോടതിയിൽ ഇന്നലെ വാദങ്ങളുണ്ടായി.
ഓൾ ഇന്ത്യ ജഡ്ജസ് അസോസിയേഷന്റെ സമാനമായ വിഷയത്തിലുള്ള കേസ് ചീഫ് ജസ്റ്റിസ് ഡി.വൈ. ചന്ദ്രചൂഡിന്റെ ബെഞ്ച് പരിഗണിക്കുന്നുണ്ട് എന്നിരിക്കേ ഈ വിഷയം തീർപ്പാക്കാൻ എന്തിനാണ് തിരക്കുകൂട്ടുന്നതെന്ന് ജസ്റ്റിസ് സി.ടി. രവികുമാർകൂടി ഉൾപ്പെട്ട ബെഞ്ചിനോട് മുതിർന്ന അഭിഭാഷകൻ ദുഷ്യന്ത് ദവെ ചോദിച്ചിരുന്നു