യുഡിഎഫ് വിപുലീകരണം സംബന്ധിച്ച് ഇപ്പോൾ ചർച്ച നടത്തേണ്ടെന്നാണ് വി ഡി സതീശൻ വ്യക്തമാക്കിയത് എന്ന പ്രതികരണവുമായി കോൺഗ്രസ് നേതാവ് കെ മുരളീധരൻ രംഗത്ത്. നിലവിലെ സാഹചര്യത്തിൽ യുഡിഎഫിന് യാതൊരു ഭയവുമില്ല. മുന്നണി ജയിക്കാൻ തങ്ങൾ പ്രാപ്തരാണെന്നും കെ മുരളീധരൻ പ്രതികരിച്ചു.
അതേസമയം സിപിഐഎം ഇടയ്ക്കിടെ ലീഗിനെ ക്ഷണിക്കുന്നത് അവർ അടുത്ത ഇലക്ഷനിൽ ജയിക്കില്ല എന്ന വിശ്വാസം ഉള്ളതുകൊണ്ടാണെന്നും മുരളീധരൻ വിമർശിച്ചു. സംസ്ഥാനത്തിന്റെ വിശാല താൽപര്യം കൂടെ കണക്കിലെടുത്താണ് വിട്ടു പോയവർ തിരിച്ചു വരണമെന്ന് തങ്ങൾ ആഗ്രഹിക്കുന്നത്.
മടിയിൽ കനമുള്ളത് കൊണ്ടാണ് എഐ ക്യാമറ ആരോപണങ്ങളിൽ മുഖ്യമന്ത്രി പ്രതികരിക്കാത്തതെന്നും മുരളീധരൻ ആരോപിച്ചു.