വിവിധതരം ചായകൾ പരീക്ഷിക്കാൻ ഇഷ്ടപ്പെടുന്നവരാണ് നമ്മൾ മലയാളികൾ. ലെമണ്‍ ടീ, ജിഞ്ചര്‍ ടീ, മസാല ടീ, തുളസി ടീ അങ്ങനെ പല ഫ്‌ളേവറുകളില്‍ പല ഗുണങ്ങളില്‍ നമുക്ക് ചായ തയ്യാറാക്കാവുന്നതാണ്. ഇക്കൂട്ടത്തിലേക്കിതാ അധികമാരും കേള്‍ക്കാന്‍ സാധ്യതയില്ലാത്തതും പരീക്ഷിച്ചിട്ടില്ലാത്തുമായ ഒരു ചായയാണ് ഉള്ളി ചായ.
നിരവധി ജീവിതശൈലി രോഗങ്ങളെ മറികടക്കാൻ നമ്മെ സഹായിക്കുന്ന ഒരു ഒന്നാന്തരം ചായയാണ് ഉള്ളി ചായ. വൈറ്റമിന്‍-ബി, സി, പൊട്ടാസ്യം, ആന്റിഓക്‌സിഡന്റുകള്‍ എന്നിങ്ങനെ ശരീരത്തിന് ഗുണകരമാകുന്ന പല ഘടകങ്ങളുടേയും സ്രോതസാണ് ഉള്ളി.
ഉള്ളി ചായ പ്രമേഹ രോഗികൾക്ക് ഗുണപ്രദമാണ്. രക്തത്തിലെ പഞ്ചസാരയെ നിയന്ത്രിക്കാൻ സഹായിക്കുന്ന വിറ്റാമിനുകൾ, വിറ്റാമിൻ എ, സോഡിയം തുടങ്ങിയ ധാരാളം പോഷകങ്ങൾ ഇതിൽ അടങ്ങിയിട്ടുണ്ട്. ഉള്ളി ചായ ഹൃദ്രോഗികൾക്ക് വളരെയേറെ ഗുണം ചെയ്യും.
ശരീരത്തിന്റെ പ്രതിരോധശേഷി വർധിപ്പിക്കാൻ ഉള്ളി ചായ ഗുണപ്രദമാണെന്ന് ആരോഗ്യ വിദഗ്ധർ അഭിപ്രായപ്പെടുന്നു. ഇതിൽ വിറ്റാമിൻ സി അടങ്ങിയിട്ടുണ്ട്.
ഒരാൾക്ക് ശരീരഭാരം കുറയ്‌ക്കണമെങ്കിൽ ഉള്ളി ചായ കുടിക്കാം. ഉള്ളി ചായ കുടിക്കുന്നത് മെറ്റബോളിസം മെച്ചപ്പെടുത്തുകയും ശരീരത്തിലെ അധിക കൊഴുപ്പ് കത്തിക്കുകയും ചെയ്യുന്നു.
ക്യാൻസർ പോലുള്ള മാരക രോഗങ്ങൾ കുറയ്‌ക്കാൻ ഉള്ളി ചായ വളരെ ഗുണകരമാണെന്ന് കണക്കാക്കപ്പെടുന്നു. ഇത് പതിവായി കഴിക്കുന്നത് ക്യാൻസർ കോശങ്ങളുടെ വളർച്ച കുറയ്‌ക്കാൻ സഹായിക്കുന്നു. ഇതോടൊപ്പം വൻകുടലിലെ ക്യാൻസറിനുള്ള സാധ്യതയും കുറയുന്നു.
ഉള്ളി ചായ ഉണ്ടാക്കാൻ ആദ്യം ഉള്ളി നന്നായി കഴുകി വൃത്തിയാക്കുക. ഇതിന് ശേഷം ഉള്ളി മുറിക്കുക. ഒരു കപ്പ് വെള്ളത്തില്‍ നന്നായി തിളപ്പിക്കുക. വെള്ളം തിളച്ചുകഴിഞ്ഞ ശേഷം ഇത് അരിച്ചെടുത്ത് അല്‍പം തേനും ചെറുനാരങ്ങാനീരും ചേര്‍ക്കുക. ഉള്ളിച്ചായ റെഡി. തേനും ചെറുനാരങ്ങാനീരും ചേര്‍ക്കാതെയും ഇത് തയ്യാറാക്കാവുന്നതാണ്.
