സാങ്കേതികമായ മറുപടികളല്ല കൃത്യമായ മറുപടികളാണ് വിവരാവകാശ നിയമപ്രകാരമുള്ള ചോദ്യങ്ങൾക്ക് നൽകേണ്ടത് എന്ന് മുഖ്യമന്ത്രി പിണറായി വിജയൻ. വിവരാവകാശ നിയമപ്രകാരമുള്ള ചോദ്യങ്ങൾക്ക് കൃത്യമായ മറുപടികൾ നൽകണമെന്ന് സർക്കാർ ഉദ്യോഗസ്ഥർക്ക് വേണ്ടി സംസ്ഥാന വിവരാവകാശ കമ്മീഷൻ സംഘടിപ്പിച്ച ശില്പശാല ഉദ്ഘാടനം ചെയ്തുകൊണ്ട് മുഖ്യമന്ത്രി പിണറായി വിജയൻ പറഞ്ഞു.
കൃത്യമായ വിവരങ്ങൾ നൽകുന്നതിലൂടെ അപ്പീലുകളുടെയും ഫയലുകളുടെയും എണ്ണം കുറയ്‌ക്കാൻ സാധിക്കുമെന്നും അദ്ദേഹം പറഞ്ഞു. വിവരാവകാശ നിയമപ്രകാരം നൽകുന്ന അപേക്ഷയ്‌ക്ക് 30 ദിവസത്തിനകം മറുപടി നൽകണമെന്നതാണ് വ്യവസ്ഥ എന്നും മുപ്പതാം ദിവസമേ മറുപടി നൽകുമെന്ന് വാശിപിടിക്കുന്നത് ശരിയല്ലെന്നും അദ്ദേഹം പറഞ്ഞു. ഇത്തരത്തിൽ വൈകി നൽകുന്ന വിവരം വിവര നിഷേധത്തിന് തുല്യമാണെന്നും അദ്ദേഹം കൂട്ടിച്ചേർത്തു.
