നിരവധി സവിശേഷതകളുമായി പുതിയ സ്മാർട്ട്ഫോൺ മോഡൽ പുറത്തിറക്കി ഹോണർ. ഹോണറിന്റെ എക്സ് 9 ബി ആണ് കമ്പനി ഇപ്പോൾ പുറത്തിറക്കിയിരിക്കുന്നത്. അൾട്രാ ബൗണ്ട്സ് ആന്റി ഡ്രോപ് 360 ഡിസ്പ്ലേ ആണ് ഫോണിന്റെ ഏറ്റവും വലിയ പ്രത്യേകത.
ഒന്നര മീറ്റർ മുകളിൽ നിന്നുള്ള വീഴ്ചയ്ക്ക് വരെ സംരക്ഷണം നൽകാൻ സാധിക്കുന്ന വിധത്തിലാണ് ഫോൺ രൂപകൽപ്പന ചെയ്തിട്ടുള്ളത്. ഇതിന് സഹായിക്കുന്നത് ഫോണിലുള്ള എയർബാഗ് കുഷ്യൻ സാങ്കേതികവിദ്യയും ഷോക്ക് അബ്സോർബിങ് ഘടനയുമാണ്. അതുകൊണ്ടുതന്നെ ചെറിയ വീഴ്ചയിൽ ഒന്നും ഫോണിന് കേടുപാടുകൾ സംഭവിക്കുകയില്ല. ഇതും ഉപഭോക്താക്കളെ ആകർഷിക്കാൻ ഉതകുന്ന സവിശേഷതയാണ്.
5800 എം എ എച്ച് ബാറ്ററി ഉള്ള ഫോണിന് 25,999 രൂപയാണ് വില വരുന്നത്.108 എംപി വൈഡ്, 5 എംപി അൾട്രാവൈഡ്, രണ്ട് എംപി മാക്രോ പിൻ ക്യാമറകളും 16 എംപി സെൽഫി ക്യാമറയുമാണ് ഇവയുടെ പ്രധാന സവിശേഷതകൾ. പുത്തൻ സവിശേഷതകളുമായി ഉപഭോക്താക്കളിലേക്ക് എത്തിയ ഹോണർ എക്സ് 9ബി ഏതായാലും വിപണി കീഴടക്കുമെന്ന് ഉറപ്പ്. കൂടുതൽ ക്ലാരിറ്റിയിൽ മികച്ച ഫോട്ടോയും വീഡിയോയും പകർത്തുന്നതിന് ഫോണിൽ ക്യാമറകൾ സഹായിക്കും.