മധുരം ഇഷ്ടപ്പെടുന്നവരാണ് നമ്മളെല്ലാം. വിശേഷ ദിവസങ്ങളിൽ സന്തോഷം പങ്കുവയ്ക്കുന്നതിനായി മധുരം നമ്മൾ പങ്കുവയ്ക്കാറുണ്ട്. മധുരം കഴിക്കാൻ ഇഷ്ടപ്പെടുന്നവർക്ക് വളരെയധികം ഇഷ്ടപ്പെടുന്ന ഒരു മധുര പലഹാരം വളരെ എളുപ്പത്തിൽ തയ്യാറാക്കി എടുത്താലോ. വളരെ വ്യത്യസ്തമായ ഒരു മധുര പലഹാരമാണ് തയ്യാറാക്കി എടുക്കുന്നത്.
തേങ്ങ പൊടിച്ചെടുത്തത്( ഡെസിക്കേറ്റഡ് കോക്കനട്ട്) ആണ് ഈ മധുര പലഹാരത്തിലെ പ്രധാന ചേരുവ. അടി കട്ടിയുള്ള ഒരു പാത്രം അടുപ്പത്ത് വച്ച് ചൂടാക്കി എടുക്കാം. ചൂടായി വരുമ്പോൾ ഇതിലേക്ക് അല്പം നെയ്യ് ഒഴിച്ചു കൊടുക്കണം. ഇനി ഇതിലേക്ക് മാറ്റി എടുത്തു വച്ചിരിക്കുന്ന തേങ്ങ ചേർത്തു കൊടുക്കാം. അല്പസമയം ഇത് ഒന്ന് റോസ്റ്റ് ചെയ്തെടുക്കണം.
നല്ലതുപോലെ റോസ്റ്റ് ആയി വരുമ്പോൾ ഇതിലേക്ക് ഒരു കപ്പ് പാൽ ചേർത്ത് കൊടുക്കാം. പാൽ നല്ലതുപോലെ വറ്റി വരുന്നതുവരെ ഇളക്കിക്കൊണ്ടിരിക്കാം. പാൽ വറ്റി വരുമ്പോൾ ഇതിലേക്ക് മധുരത്തിന് ആവശ്യമായ പഞ്ചസാര ചേർത്തു കൊടുക്കാം. അല്പനേരം ഇളക്കുമ്പോൾ പഞ്ചസാര ഉരുകി തുടങ്ങും. പിന്നീട് തീ വളരെ കുറച്ചുവെച്ച് ഇളക്കി കൊടുത്തു കൊണ്ടിരിക്കാം.
പാത്രത്തിൽ വിട്ടു വരുന്ന പരുവമാകുന്നതുവരെ ഇളക്കൽ തുടർന്നുകൊണ്ടിരിക്കണം. ഇപ്പോൾ തീ ഓഫ് ചെയ്യാവുന്നതാണ്. ഇത് ഇനി കുറച്ച് സമയം തണുക്കാനായി മാറ്റിവയ്ക്കാം. കയ്യിൽ ഉരുളയുരുട്ടാൻ പാകത്തിന് ചൂടാകുന്ന സമയത്ത് ചെറിയ ഉരുളകൾ ഉരുട്ടി എടുക്കാം.
ചെറിയ ലഡു വലിപ്പത്തിലാണ് ഉരുട്ടി എടുക്കേണ്ടത്. ഉരുട്ടിയെടുത്ത ഉരുളകൾ ഉണങ്ങിയ തേങ്ങാ പൊടിയിൽ ഒന്നുകൂടി റോൾ ചെയ്തെടുക്കാം. രുചികരവും ഹെൽത്തിയുമായ കിടിലൻ മധുര പലഹാരം റെഡി.