ദിവസം കഴിയുന്തോറും കേരളത്തിൽ ചൂട് വർദ്ധിച്ചു വരികയാണ്. ചൂട് കാരണം പുറത്തിറങ്ങാനോ എന്തിന് പണിയെടുക്കാൻ കൂടി പറ്റാത്ത അവസ്ഥയാണ്. വേനൽക്കാലമായതോടെ അസുഖങ്ങളും ദിനംപ്രതി വർധിച്ചു കൊണ്ടിരിക്കുകയാണ്.
കടുത്ത വേനൽ ചൂടിൽ നിന്നും ശരീരത്തെയും മനസ്സിനെയും തണുപ്പിക്കുന്നതിനായി കിടിലൻ രുചിയിൽ ഹെല്‍ത്തിയായ ഒരു ഡ്രിങ്ക് തയ്യാറാക്കി നോക്കാം. ആരോഗ്യ ഗുണങ്ങളാൽ സമ്പന്നമായ നെല്ലിക്ക ഉപയോഗിച്ചാണ് ഡ്രിങ്ക് തയ്യാറാക്കി എടുക്കുന്നത്.
കടുത്ത ചൂടിൽ ശരീരത്തിന് ഉന്മേഷം പകരുന്നതിന് ഈ ഡ്രിങ്ക് തീർച്ചയായും സഹായകരമാകും. ഇത് എങ്ങനെ തയ്യാറാക്കാം എന്ന് നോക്കാം. ഇതിനായിഒരു മിക്സിയുടെ ജാറിലേക്ക് രണ്ടോ മൂന്നോ നെല്ലിക്ക കുരു കളഞ്ഞ് ചെറുതായി അരിഞ്ഞെടുത്തത് ചേർത്തു കൊടുക്കാം.
ഇതിലേക്ക് അല്പം പൊതിനയില, എരുവിന് ആവശ്യമായ പച്ചമുളക് എന്നിവ ചേർത്തു കൊടുക്കാം. തണുപ്പിച്ചെടുത്ത ഒരു ഗ്ലാസ് വെള്ളവും പാകത്തിന് ഉപ്പും ചേർത്ത് ശേഷം നല്ലതുപോലെ അടിച്ചെടുക്കാം. ഇനി ഒരു സെർവിങ് ഗ്ലാസ്സിലേക്ക് അരിപ്പയിലൂടെ അരിച്ച് ഒഴിച്ച് സെർവ് ചെയ്യാവുന്നതാണ്. രുചികരവും ഹെൽത്തിയുമായ നെല്ലിക്ക ജ്യൂസ് റെഡി
