Vismaya News
Connect with us

Hi, what are you looking for?

ASTROLOGY

അറിയാം മഹാശിവരാത്രി ദിനത്തിന്റെ പ്രത്യേകതയും ശിവരാത്രി വ്രതം ആചരിക്കേണ്ട രീതികളും

വർഷത്തിലൊരിക്കൽ മാത്രം മനുഷ്യന് ലഭിക്കുന്ന ഏറ്റവും പുണ്യമായ ദിനമാണ് ശിവരാത്രി. ഈ വർഷത്തെ മഹാശിവരാത്രി മാർച്ച് എട്ടിനാണ് ആചരിക്കുന്നത്. ഈ വേളയിൽ എന്താണ് മഹാശിവരാത്രി ദിനത്തിന്റെ പ്രത്യേകതയെന്നും എങ്ങനെയാണ് മഹാശിവരാത്രി ആചരിക്കേണ്ടത് എന്നും അറിയേണ്ടത് പ്രധാനമാണ്.സർവ്വ പാപങ്ങളിൽ നിന്നും മുക്തി നൽകി ഭഗവാൻ മഹാദേവൻ നമ്മളെ അനുഗ്രഹിക്കുന്ന പുണ്യ ദിനമായാണ് മഹാശിവരാത്രി ആചരിക്കുന്നത്. ശിവരാത്രി ദിവസം മഹാദേവനെ ആരാധിക്കുന്നത് ശ്രേഷ്ഠമാണെന്നാണ് കരുതപ്പെടുന്നത്. ശിവരാത്രി വ്രതം എടുക്കുന്നതിന് ചില ചിട്ടവട്ടങ്ങൾ ഒക്കെയുണ്ട്. ഇവ എന്തൊക്കെയാണെന്നും എങ്ങനെയാണ് ശിവരാത്രി ആചരിക്കേണ്ടത് എന്നും നോക്കാം.ശിവരാത്രി വ്രതം സാധാരണയായി ആരംഭിക്കുന്നത് ശിവരാത്രി ദിനത്തിന്റെ തലേ ദിവസമാണ്. വ്രതം എടുക്കാൻ ആഗ്രഹിക്കുന്നവർ തലേദിവസം വീട് കഴുകി ശുദ്ധിയാക്കണം. അന്ന് രാത്രി അരിയാഹാരം പൂർണ്ണമായും ഒഴിവാക്കി പാലോ പഴങ്ങളോ ലഘുവായ ആഹാരങ്ങളോ കഴിക്കാവുന്നതാണ്.

ഒരിക്കൽ ഉപവാസമായും പൂർണ്ണ ഉപവാസമായും രണ്ടു രീതിയിൽ വ്രതം അനുഷ്ടിക്കാവുന്നതാണ്. ആരോഗ്യസ്ഥിതി അനുകൂലമായവർക്ക് പൂർണ്ണ ഉപവാസമായും ആരോഗ്യസ്ഥിതി അനുകൂലമല്ലാത്തവർക്ക് ഒരിക്കൽ വ്രതമായും ശിവരാത്രി വ്രതം അനുഷ്ഠിക്കാവുന്നതാണ്. പൂർണ്ണ ഉപവാസം എന്നാൽ ഒരു നേരവും ഭക്ഷണം കഴിക്കാതെയുള്ള ഉപവാസമാണിത്.ഒരിക്കലായി വ്രതം നോക്കുന്നവർക്ക് ഒരു നേരം അരിയാഹാരം ആകാവുന്നതാണ്. ശിവക്ഷേത്രത്തിൽ നിന്നും ലഭിക്കുന്ന നിവേദ്യം ഇതിനായി ഉപയോഗിക്കുന്നതാണ് ഉത്തമം. അതും വയർ നിറയാൻ അനുവദിക്കാത്ത രീതിയിൽ ആയിരിക്കണം ഭക്ഷിക്കേണ്ടത്. വ്രതം അനുഷ്ഠിക്കുന്നവർ പകലോ രാത്രിയോ ഉറങ്ങാതിരിക്കാനും പഞ്ചാക്ഷരി മന്ത്രം ജപിക്കാനും ശ്രദ്ധിക്കണം.ഏതെങ്കിലും കാരണവശാൽ ക്ഷേത്രദർശനം സാധ്യമാവാത്തവർ വീട്ടിലിരുന്ന് ശിവ പഞ്ചാക്ഷരി സ്തോത്രം, ശിവപുരാണം, ശിവസഹസ്രനാമം, ലിംഗാഷ്ടകം, അഷ്ടോത്തര ശതനാമസ്തോത്രം, വില്വാഷ്ടകം എന്നിവ പാരായണം ചെയ്യുന്നതിനും വൈകീട്ട് ക്ഷേത്രത്തിൽ ശിവന് അഭിഷേകം ചെയ്ത പാലോ നിവേദിച്ച കരിക്കോ പാനം ചെയ്യാനും ശ്രദ്ധിക്കുക. പൂർണ്ണ ഉപവാസമാണ് അനുഷ്ഠിക്കുന്നത് എങ്കിൽ അതുവരെയും ജലപാനം ചെയ്യാതിരിക്കാനും ശ്രദ്ധിക്കണം.ശരീരവും മനസ്സും ശുദ്ധമാക്കിയതിനുശേഷം പഞ്ചാക്ഷരി മന്ത്രമായ ‘ഓം നമശിവായ’ എന്ന മന്ത്രം ജപിച്ച് ക്ഷേത്രത്തിൽ പോകാൻ സാധിക്കാത്തവർക്ക് വീട്ടിലിരുന്നു വ്രതം അനുഷ്ഠിക്കാവുന്നതാണ്. ശിവരാത്രി വ്രതം അവസാനിപ്പിക്കുന്നത് ശിവരാത്രി ദിനത്തിന്റെ തൊട്ടടുത്ത ദിവസം ക്ഷേത്രത്തിൽ നിന്നും ലഭിക്കുന്ന തീർത്ഥം കുടിച്ചു കൊണ്ടായിരിക്കണം എന്നാണ് വിശ്വാസം.

You May Also Like

EDUCATION

സംസ്ഥാനത്തെ പൊതു വിദ്യാലയങ്ങളില്‍ ഇനി പത്താം ക്ലാസ് പ്രവേശനത്തിന് ഇനി സേ പരീക്ഷ നടത്തും. ഒമ്പതാം ക്ലാസിലെ വാര്‍ഷിക പരീക്ഷയില്‍ ഏറ്റവും താഴ്ന്ന ഗ്രേഡ് (ഡി, ഇ) നേടിയ വിദ്യാര്‍ത്ഥികള്‍ക്കാണ് അവധിക്കാലത്ത് ‘സേവ്...

NATIONAL

ന്യൂഡല്‍ഹി: പാചകവാതക സിലിണ്ടറിന്റെ വില കുറച്ചു. വാണിജ്യാവശ്യങ്ങള്‍ക്കുള്ള പാചകവാതക സിലിണ്ടറിന്റെ വിലയാണ് കുറച്ചത്. 19 കിലോഗ്രാം വാണിജ്യ സിലിണ്ടറിന് 30.50 രൂപയാണ് എണ്ണ വിതരണ കമ്പനികള്‍ കുറച്ചത്. പുതുക്കിയ വില ഇന്നുമുതല്‍ പ്രാബല്യത്തില്‍...

KERALA NEWS

അടൂര്‍ പട്ടാഴിമുക്കില്‍ കാര്‍ കണ്ടെയ്‌നര്‍ ലോറിയിലേക്ക് ഇടിച്ചുകയറി രണ്ടുപേര്‍ മരിച്ച അപകടം ആത്മഹത്യയെന്ന് സൂചന. അപകടത്തില്‍ കാര്‍ യാത്രികരായിരുന്ന ചാരുംമൂട് സ്വദേശി ഹാഷിം (35), നൂറനാട് സ്വദേശിയും അധ്യാപികയുമായ അനുജ (36) എന്നിവര്‍...

KERALA NEWS

തിരുവനന്തപുരം: കറുപ്പ് നിറത്തിൽപ്പെട്ടവർ മോഹിനിയാട്ട മത്സരത്തിന് പങ്കെടുക്കാൻ പാടില്ലെന്ന പരാമര്‍ശത്തെത്തുടര്‍ന്ന് ക്രൂരമായ സൈബർ അതിക്രമം നേരിടുകയാണെന്ന് കലാമണ്ഡലം സത്യഭാമ പറഞ്ഞു. കുടുംബത്തെ വലിച്ചിഴച്ച് അധിക്ഷേപം നടത്തുകയാണ്. ആര്‍എല്‍വി രാമകൃഷ്ണന് പരമാവധി വേദി അനുവദിച്ചു.ആരെയും...