സമൂഹമാധ്യമങ്ങളിൽ കുറച്ചു ദിവസങ്ങളിലായി വൈറലായ ഒന്നാണ് മിൽക്ക് കേക്ക്. കാരണം ബോളിവുഡ് നടി ആലിയ ഭട്ട് പ്രിയപ്പെട്ട മില്‍ക്ക് കേക്കിനെക്കുറിച്ച് ഒരു അഭിമുഖത്തിൽ പറഞ്ഞത്തിനു പിന്നാലെയാണ് സംഭവം വൈറലായത്. വളരെ എളുപ്പം ഉണ്ടാക്കാവുന്ന ഈ കേക്ക് ഇപ്പോൾ ബേക്കറികളിൽ ലഭ്യമാണ്. നാവില്‍ വച്ചാൽ അലിഞ്ഞുപോകുന്ന രുചിയുള്ള മില്‍ക്ക് കേക്ക് വീട്ടില്‍ത്തന്നെ തയാറാക്കുന്നതെങ്ങനെയെന്നു നോക്കാം.
ചേരുവകൾവാനില സ്പോഞ്ച് കേക്ക് (മുട്ടയില്ലാത്തത്)
പാൽ – 1/2 കപ്പ്/100 മില്ലി
വിനാഗിരി – 1 ടീസ്പൂൺ
മൈദ – 3/4 കപ്പ്/100 ഗ്രാം
ബേക്കിങ് പൗഡർ – 1/2 ടീസ്പൂൺ
ബേക്കിങ് സോഡ – 1/2 ടീസ്പൂൺ
പഞ്ചസാര – 30 ഗ്രാം/ ഏകദേശം 5 ടേബിൾസ്പൂൺ
എണ്ണ – 1/4 കപ്പ്/45 മില്ലി
തൈര് – 1/4 കപ്പ്/60 മില്ലി
വാനില എസ്സൻസ് – 1 ടീസ്പൂൺ
തയാറാക്കുന്ന വിധം
ചൂടുള്ള പാൽ പിരിയാനായി വിനാഗിരി ചേർത്ത് 1 മിനിറ്റ് വയ്‌ക്കുക. ഒരു പാത്രത്തിൽ പഞ്ചസാര, എണ്ണ, തൈര്, വാനില എസൻസ് എന്നിവ ചേർത്ത് നന്നായി യോജിപ്പിക്കുക. മൈദ, ബേക്കിങ് പൗഡര്‍, ബേക്കിങ് സോഡ എന്നിവ നന്നായി മിക്സ് ചെയ്ത ശേഷം അരിച്ചെടുക്കുക. ഇവ മൂന്നും കൂടി ഒരുമിച്ചു ചേര്‍ത്ത്, കട്ടകള്‍ ഇല്ലാതെ നന്നായി യോജിപ്പിക്കുക. ഇത് ഒരു പാത്രത്തില്‍ ബട്ടർ പേപ്പർ വച്ച ശേഷം അതിലേക്ക് ഒഴിക്കുക. അവ്നില്‍ 180 ഡിഗ്രിയില്‍ 20-25 മിനിറ്റ് ബേക്ക് ചെയ്യുക.
