വേനൽ ആയാൽ മിക്ക ആളുകളെയും ബുദ്ധിമുട്ടിക്കുന്ന ഒന്നാണ് വിയര്‍പ്പ് മൂലമുള്ള ശരീര ദുർഗന്ധം. വിയർക്കുന്നത് ഒഴിവാക്കാനാകില്ലെങ്കിലും ശരീര ദുർഗന്ധം മാറ്റാൻ വീട്ടില്‍ പരീക്ഷിക്കാവുന്ന ചില കാര്യങ്ങള്‍ ഉണ്ട്. അവ എന്തൊക്കെയാണെന്ന് അറിഞ്ഞിരിക്കാം.
ഒന്ന്…
ആദ്യമായി ഈ പട്ടികയില്‍ ഉള്‍പ്പെടുന്നത് ആപ്പിള്‍ സൈഡര്‍ വിനഗറാണ്. ഇവ ശരീരത്തില്‍ അധികം വിയര്‍ക്കുന്ന ഭാഗങ്ങളില്‍ പുരട്ടുക. ബാക്ടീരിയകളെ നശിപ്പിക്കാനും ദുര്‍ഗന്ധം ഒഴിവാക്കാനും ഇത് സഹായിക്കും.
രണ്ട്…
കുളിക്കാൻ എടുക്കുന്ന വെള്ളത്തില്‍ റോസ് വാട്ടര്‍ ഒഴിച്ച് കുളിക്കുന്നതും ദുർഗന്ധം ഒഴിവാക്കാൻ നല്ലൊരു മാർഗമാണ്. അതുപോലെ കക്ഷം, കഴുത്തിന്റെ ഭാഗം തുടങ്ങി അമിതമായ വിയര്‍പ്പ് ഉള്ള ഭാഗങ്ങളിൽ റോസാപ്പൂവില്‍ നിന്ന് നിര്‍മിച്ച ഫ്രഷ് റോസ് വാട്ടര്‍ പുരട്ടിക്കൊടുക്കാം. 30 മിനിറ്റിന് ശേഷം ഇത് കഴുകി കളയാം.
മൂന്ന്…
കുളിക്കുന്നതിന് മുൻപ് മഞ്ഞള്‍ അരച്ച് ദേഹത്ത് പുരട്ടാം. ആഴ്ചയിലൊരു തവണയെങ്കിലും മഞ്ഞള്‍ തേച്ച് കുളി ശീലമാക്കിയാല്‍ വിയര്‍പ്പിന്‍റെ ദുര്‍ഗന്ധം നിയന്ത്രിച്ച് നിർത്താം.
നാല്…
ഒരു നാരങ്ങ പകുതിയായി മുറിച്ച് കക്ഷത്തിന്റെ ഭാഗത്ത് പുരട്ടാം. 10 മിനിറ്റ് വെച്ച ശേഷം കഴുകി കളയാം.
അഞ്ച്…
ടീ ട്രീ ഓയില്‍ വെള്ളത്തില്‍ മിക്സ് ചെയ്ത് കുളിക്കുന്നതും വിയര്‍പ്പിന്‍റെ ദുര്‍ഗന്ധം അകറ്റാന്‍ സഹായിക്കും.
