വിഷുവിന് നേരിയ കുറവ് രേഖപ്പെടുത്തിയ സ്വർണവില ഇന്ന് വീണ്ടും വർധിച്ചു. കഴിഞ്ഞ ദിവസം ഇടിവ് രേഖപ്പെടുത്തി ആശ്വാസമായ സ്വര്ണനിരക്കാണ് വര്ധിച്ചത്. തിങ്കളാഴ്ച (15.04.2024) ഒരു ഗ്രാം 22 കാരറ്റ് സ്വര്ണത്തിന് 55 രൂപയും ഒരു പവന് 22 കാരറ്റ് സ്വര്ണത്തിന് 440 രൂപയുമാണ് കൂടിയത്. ഒരു ഗ്രാം 22 കാരറ്റ് സ്വര്ണത്തിന് 6705 രൂപയിലും ഒരു പവന് 22 കാരറ്റിന് 53640 രൂപയിലുമാണ് വ്യാപാരം നടക്കുന്നത്.തിങ്കളാഴ്ച ഒരു ഗ്രാം 18 കാരറ്റ് സ്വര്ണത്തിന് 45 രൂപയും ഒരു പവന് 18 കാരറ്റിന് 360 രൂപയുമാണ് കൂടിയത്. ഒരു ഗ്രാം 18 കാരറ്റ് സ്വര്ണത്തിന് 5605 രൂപയിലും ഒരു പവന് 18 കാരറ്റിന് 44840 രൂപയിലുമാണ് വ്യാപാരം നടക്കുന്നത്.
അതേസമയം, തിങ്കളാഴ്ച വെള്ളി വിലയില് മാറ്റമില്ല. ഒരു ഗ്രാം സാധാരണ വെള്ളിക്ക് 89 രൂപയിലാണ് വ്യാപാരം നടക്കുന്നത്. അതേസമയം, തുടര്ച്ചയായ മൂന്നാം ദിനവും ഹാള്മാര്ക് വെള്ളിയുടെ വില രേഖപ്പെടുത്തിയിട്ടില്ല.പശ്ചിമേഷ്യയിലെ രാഷ്ട്രീയ സംഘര്ഷങ്ങളും വികസിത രാജ്യങ്ങളിലെ മാന്ദ്യ സാഹചര്യവും സുരക്ഷിത നിക്ഷേപമായ സ്വര്ണത്തിന് ഡിമാന്ഡ് വർധിപ്പിക്കുന്നതിനാല് നടപ്പു വര്ഷം പവന് വില 60,000 രൂപ കടന്ന് മുന്നേറുമെന്ന് പ്രവചനം. ലോകത്തിലെ മുന്നിര രാജ്യങ്ങളിലെ കേന്ദ്ര ബാങ്കുകള് സാമ്പത്തിക അനിശ്ചിതത്വം കണക്കിലെടുത്ത് വലിയ തോതില് സ്വര്ണം വാങ്ങിക്കൂട്ടുന്നതാണ് വിലയില് കുതിപ്പ് സൃഷ്ടിക്കുന്നത്.