വളരെയധികം ആദായകരമായ ഒന്നാണ് കോഴി വളർത്തൽ. ചെറിയ ശ്രദ്ധ നൽകിയാൽ കോഴി വളർത്തളിലൂടെ നല്ല സമ്പാദ്യം ഉണ്ടാക്കിയെടുക്കാൻ സാധിക്കും. അത്തരത്തിൽ കോഴി വളർത്തൽ താല്പര്യമുള്ളവർക്ക് അവസരം ഒരുക്കുകയാണ് മലമ്പുഴ മേഖല കോഴി വളർത്തൽ കേന്ദ്രം.കോഴി കുഞ്ഞുങ്ങളെ വിൽപ്പനയ്‌ക്ക് എത്തിച്ചാണ് മലമ്പുഴ മേഖല കോഴി വളർത്തൽ കേന്ദ്രം അവസരം ഒരുക്കുന്നത്. കർഷകർ, കോഴി വളർത്തൽ, പരിപാലനം എന്നിവയിൽ താല്പര്യമുള്ളവർക്കാണ് പദ്ധതിയിലൂടെ അവസരം ഒരുങ്ങുന്നത്. ഗ്രാമശ്രീ ഇനത്തിൽപ്പെട്ട മുട്ടക്കോഴി കുഞ്ഞുങ്ങൾ ആണ് വില്പനയ്‌ക്ക് എത്തിച്ചിരിക്കുന്നത്.
മൃഗ സംരക്ഷണ വകുപ്പിന് കീഴിലെ മലമ്പുഴ മേഖലാ കോഴി വളര്‍ത്തല്‍ കേന്ദ്രത്തില്‍ നിന്ന് ഒരു ദിവസം പ്രായമുള്ള ഗ്രാമ ശ്രീ ഇനം മുട്ട കോഴി കുഞ്ഞുങ്ങള്‍ ലഭ്യമാണ്. മുൻകൂട്ടി ബുക്ക് ചെയ്ത മാത്രമേ പദ്ധതിയുടെ ആനുകൂല്യം ലഭിക്കുകയുള്ളൂ.മുൻകൂട്ടി ബുക്ക് ചെയ്ത ആവശ്യമുള്ളവർ മൃഗസംരക്ഷണ വകുപ്പിന് കീഴിലുള്ള മലമ്പുഴ മേഖല കോഴി വളർത്തൽ കേന്ദ്രവുമായി ബന്ധപ്പെടേണ്ടതാണ്. വിശദവിവരങ്ങൾ അറിയുന്നതിനും ബുക്ക് ചെയ്യുന്നതിനും 6238305097, 9526126636 എന്നീ ഫോൺ നമ്പറുകളിൽ ബന്ധപ്പെടാവുന്നതാണ്.
