പ്രേക്ഷകരുടെ മനസിൽ ചിരിയുടെ പൂരം തീർത്ത ഫഹദ് ഫാസിൽ കഥാപാത്രമാണ് ആവേശം സിനിമയിലെ രംഗൻ. ‘എടാ മോനെ’ എന്നൊരൊറ്റ ഡയലോഗിലൂടെ ആരംഭിച്ച് ക്ലൈമാക്സ് വരെയും ആവേശത്തിര ഒഴുക്കുകയായിരുന്നു ഫഹദ്. സിനിമയിലെ ഏറ്റവും കൂടുതൽ ചിരിപടർത്തിയ ഒരു ഭാഗം ഇപ്പോൾ പുറത്ത് വിട്ടിരിക്കുകയാണ് അണിയറപ്രവർത്തകർ.
ആവേശം ടാലന്റ് ടീസർ എന്ന പേരിലാണ് വീഡിയോ പുറത്ത് വിട്ടിരിക്കുന്നത്. വീഡിയോയിൽ രംഗണ്ണന്റെ മൾട്ടി ടാലന്റിനെ കുറിച്ച് ഉറ്റതോഴനായ അമ്പാൻ സംസാരിക്കുന്നതും കാണാം. ഒപ്പം രംഗണ്ണന്റെ ഇൻസ്റ്റഗ്രാം റീലും ഉൾപ്പെടുത്തിയിട്ടുണ്ട്.