പ്രഭാത ഭക്ഷണത്തിന്റെ കാര്യത്തിൽ ശ്രദ്ധിക്കേണ്ട കാര്യങ്ങള് എന്തൊക്കെയാണെന്ന് നോക്കാം…
ഒന്ന്…
വെള്ളം ധാരാളം കുടിക്കുക എന്നതാണ് ഒന്നാമതായി ചെയ്യേണ്ട കാര്യം. ഇവ ദഹനം മെച്ചപ്പെടുത്താനും മെറ്റബോളിസം എളുപ്പമാക്കാനും നല്ലതാണ്. രാവിലെ ഭക്ഷണം കഴിക്കുന്നതിന് മുമ്പ് വെള്ളം കുടിക്കുന്നത് വിശപ്പ് കുറയ്ക്കാന് സഹായിക്കും. അതിലൂടെ ശരീരഭാരം നിയന്ത്രിച്ച് നിർത്താൻ കഴിയും. വെള്ളം ധാരാളം കുടിക്കുന്നത് ശരീരത്തിന്റെ മൊത്തം ആരോഗ്യത്തിനും നല്ലതാണ്. കൂടാതെ ചര്മ്മത്തിനും ഇവ നല്ലതാണ്.
രണ്ട്…
ബ്രേക്ക്ഫാസ്റ്റിന് പോട്ടീന് അടങ്ങിയ ഭക്ഷണങ്ങള് കഴിക്കുക. ഒരു ദിവസം മുഴുവന് ഉന്മേഷവും ഊര്ജ്ജവും പകരാൻ പ്രോട്ടീന് ഉൾപ്പെടുന്ന പ്രഭാത ഭക്ഷണം ആവശ്യമാണ്. ഇത് കൂടാതെ ശരീരഭാരം കുറയ്ക്കാനും പ്രോട്ടീൻ വളരെ പ്രധാനപ്പെട്ട ഒരു പോഷകമാണ്. ഇത് വിശപ്പ് നിയന്ത്രിക്കുന്ന ഹോർമോണുകളുടെ അളവ് വർധിപിക്കുകയും ശരീരത്തിന് ഊർജം പകരുകയും ചെയ്യുന്നു.
മൂന്ന്…
ധാരാളം ഫൈബര് അടങ്ങിയ ഭക്ഷണങ്ങളും രാവിലെ ഡയറ്റില് ഉള്പ്പെടുത്തുക. നാരുകള് ഉള്ള ഭക്ഷണങ്ങള് വിശപ്പ് കുറയ്ക്കാന് സഹായിക്കും. അതുവഴി ശരീരഭാരത്തെയും നിയന്ത്രിച്ച് നിർത്താം.
നാല്…
രാവിലെ പഞ്ചസാരയുടെ അമിത ഉപയോഗം നിയന്ത്രിക്കുക. ഉയർന്ന തോതിൽ മധുരം ശരീരത്തിലെത്തുന്നത് വയറിൽ കൊഴുപ്പ് അടിയുന്നതിലേക്ക് നയിക്കും. കലോറി കൂടാനും ഇത് കാരണമാകും. അതിനാല് മധുര പാനീയങ്ങൾ, മധുര പലഹാരങ്ങൾ എന്നിവയുടെ ഉപഭോഗം കുറയ്ക്കാം.