നടനും ഡിഎംഡികെ നേതാവുമായ വിജയകാന്ത് ആശുപത്രിയിൽ. ആരോഗ്യ പ്രശ്നങ്ങളെ തുടർന്ന് വീട്ടിൽ വിശ്രമിക്കുകയായിരുന്ന അദ്ദേഹത്തെ തൊണ്ടയിലെ അണുബാധയെ തുടർന്ന് ശനിയാഴ്ച വൈകുന്നേരമാണ് ചെന്നൈയിലെ പോരൂരിലുള്ള സ്വകാര്യ ആശുപത്രിയിൽ പ്രവേശിപ്പിച്ചത് എന്നാണ് ലഭ്യമാകുന്ന വിവരം.
ഏതാനും ദിവസങ്ങൾക്കകം തന്നെ താരം വീട്ടിൽ തിരിച്ചെത്തുമെന്നും പതിവ് പരിശോധനകൾക്കാണ് ആശുപത്രിയിൽ പ്രവേശിപ്പിച്ചത് എന്നുമാണ് ഡി എം ഡി കെ പുറത്തിറക്കിയ പത്രക്കുറിപ്പിൽ വിശദമാക്കുന്നത്.
കഴിഞ്ഞ കുറച്ച് വർഷങ്ങളായി പാർട്ടി പ്രവർത്തനത്തിന് സജീവമല്ലാത്ത വിജയകാന്ത് കഴിഞ്ഞ നിയമസഭാ തിരഞ്ഞെടുപ്പിലും പ്രചാരണത്തിന് ഇറങ്ങിയിരുന്നില്ല. ഭാര്യ പ്രേമലതയാണ് വിജയകാന്തിന്റെ അഭാവത്തിൽ ഡിഎംഡികെ പാർട്ടിയെ നയിക്കുന്നത്.
