സ്കൂളുകളിൽ അധ്യാപകർ വിദ്യാർഥികളിൽ നിന്ന് പാരിതോഷികം വാങ്ങുന്നത് കർശനമായി വിലക്കുന്നതിന് പൊതുവിദ്യാഭ്യാസ വകുപ്പിന്റെ നിർദ്ദേശം. വിദ്യാർത്ഥികളിൽ നിന്ന് അധ്യാപകർ പാരിതോഷികം വാങ്ങുന്നത് കർശനമായി വിലക്കണം എന്ന് ആവശ്യപ്പെട്ട് പൊതു വിദ്യാഭ്യാസ വകുപ്പ് ഉത്തരവിറക്കിയിട്ടുണ്ട്.വ്യാപകമായി അധ്യാപകർക്ക് വിദ്യാർത്ഥികൾ വിലകൂടിയതും അല്ലാത്തതുമായ സമ്മാനങ്ങൾ നൽകുകയും അവ സമൂഹ മാധ്യമങ്ങൾ വഴി പ്രചരിപ്പിക്കുകയും ചെയ്യുന്നത് വ്യാപകമായ പശ്ചാത്തലത്തിൽ ലഭിച്ച പരാതിയുടെ അടിസ്ഥാനത്തിലാണ് സമ്മാനങ്ങൾ നൽകുന്നതിനും വാങ്ങുന്നതിനും പൊതു വിദ്യാഭ്യാസ വകുപ്പ് വിലക്ക് ഏർപ്പെടുത്തിയിരിക്കുന്നത്.
പ്രീ പ്രൈമറി തല മുതൽ ഹൈസ്കൂൾ തലം വരെ പഠിപ്പിക്കുന്ന അധ്യാപകർ വിദ്യാർത്ഥികളിൽ നിന്ന് സമ്മാനങ്ങൾ വാങ്ങുന്നത് വിലക്കിയാണ് ഉത്തരവിറക്കിയിരിക്കുന്നത് എങ്കിലും സംസ്ഥാനത്തെ എല്ലാ അധ്യാപകർക്കും ഈ ഉത്തരവ് ബാധകമാണ്.ഒരു ക്ലാസിലെ ഒരു കുട്ടി അധ്യാപകർക്ക് സമ്മാനം വാങ്ങി നൽകുമ്പോൾ മറ്റു കുട്ടികളും ഈ പ്രവണത ആവർത്തിക്കുകയും ഏറ്റവും മികച്ച സമ്മാനം അധ്യാപകർക്ക് നൽകാൻ ശ്രമിക്കുന്നത് കുട്ടികൾക്കിടയിൽ സമാനസിക സമ്മർദ്ദവും വാശിയും ഉണ്ടാക്കുന്നതിന് ഇടയാക്കും എന്നും രക്ഷിതാക്കൾക്ക് ഇത് അധിക ബാധ്യത സൃഷ്ടിക്കുകയും ചെയ്യും എന്നതിനാലാണ് പൊതു വിദ്യാഭ്യാസ വകുപ്പ് ഇത്തരത്തിൽ ഒരു ഉത്തരവ് പുറത്തിറക്കിയിരിക്കുന്നത്.
