തമിഴ്നാടിന്റെ വിവിധ ഭാഗങ്ങളെ ദുരിതത്തിലാക്കിയ വെള്ളപ്പൊക്കത്തില് ദുരിതബാധിത പ്രദേശങ്ങളില് ദുരിതാശ്വാസ പ്രവര്ത്തനങ്ങള്ക്കിറങ്ങണമെന്ന് ആരാധകരോടായി നടന്. ദുരിതാശ്വാസപ്രവര്ത്തനങ്ങളില് സജീവമായുണ്ടാവണമെന്ന് തന്റെ ആരാധക സംഘടനകളോട് ആവശ്യപ്പെട്ടിരിക്കുകയാണ് താരം. ഔദ്യോഗിക എക്സ് അക്കൗണ്ടിലൂടെയാണ് സന്നദ്ധ സേവനത്തിനിറങ്ങണമെന്ന് ആരാധകര്ക്ക് വിജയ് നിര്ദേശിച്ചിരിക്കുന്നത്.
சென்னை மற்றும் புறநகர் பகுதிகளில் "மிக்ஜாம்" புயல் கனமழை காரணமாக குழந்தைகள் பெண்கள் முதியவர்கள் உட்பட பொதுமக்கள் பெரும் சிரமத்திற்கு உள்ளாகி உள்ளனர். ஆயிரக்கணக்கான மக்கள் குடிநீர் மற்றும் உணவின்றியும் போதிய அடிப்படை வசதிகளின்றியும் தவித்து வருவதாக செய்திகள் வருகின்றன. வெள்ளம்…
— Vijay (@actorvijay) December 6, 2023
സര്ക്കാരുമായി ചേര്ന്ന് ദുരിതാശ്വാസപ്രവര്ത്തനങ്ങള്ക്ക് സ്വയം ഇറങ്ങണമെന്ന് അദ്ദേഹം ആവശ്യപ്പെട്ടു. നമുക്ക് കൈകോര്ക്കാം, വിഷമങ്ങള് തുടച്ചുനീക്കാം എന്നും വിജയ് കുറിപ്പില് പറയുന്നു. ‘ചെന്നൈയിലും പ്രാന്തപ്രദേശങ്ങളിലും മിഷോങ് ചുഴലിക്കാറ്റിനേത്തുടര്ന്നുണ്ടായ കനത്ത മഴയില് കുട്ടികളും സ്ത്രീകളും പ്രായമായവരും ഉള്പ്പെടെയുള്ള പൊതുജനങ്ങള് ഏറെ ബുദ്ധിമുട്ടുകയാണ്. വെള്ളവും ഭക്ഷണവുമില്ലാതെയും മതിയായ അടിസ്ഥാന സൗകര്യങ്ങളില്ലാതെയും ആയിരക്കണക്കിന് ആളുകള് ദുരിതമനുഭവിക്കുന്നതായി റിപ്പോര്ട്ടുകളുണ്ട്.
വെള്ളപ്പൊക്കത്തില് നിന്ന് കരകയറാന് സഹായിക്കണമെന്ന് സോഷ്യല് മീഡിയയിലൂടെയും നിരവധിപേര് അഭ്യര്ത്ഥിക്കുന്നു. ഈ വേളയില്, ദുരിതബാധിത പ്രദേശങ്ങളിലെ ജനങ്ങളെ സഹായിക്കുന്നതിനായി സര്ക്കാര് നടത്തുന്ന രക്ഷാപ്രവര്ത്തനത്തില് സന്നദ്ധപ്രവര്ത്തകരായി ഇറങ്ങണമെന്ന് എല്ലാ വിജയ് മക്കള് ഇയക്കം ഭാരവാഹികളോടും വിനീതമായി അഭ്യര്ത്ഥിക്കുന്നു.’ വിജയ് കുറിച്ചു.
അതേസമയം വെള്ളക്കെട്ടും അവശ്യസാധനങ്ങളുടെ ദൗര്ലഭ്യവും തുടരുന്നതിനിടെ ചെന്നൈ നഗരവാസികള് പ്രളയദുരിതം മറികടന്ന് സാധാരണ ജീവിതത്തിലേക്ക് മടങ്ങുകയാണ്. നഗരത്തിലെ 60 ശതമാനം സ്ഥലത്തും വെള്ളക്കെട്ട് നീങ്ങുകയും വൈദ്യുതിയെത്തുകയും ചെയ്തെന്ന് അധികൃതര് പറയുന്നു.