നോൺ വെജ് അച്ചാർ എന്നു കേൾക്കുമ്പോൾ ആദ്യം മനസ്സിൽ തെളിയുക മീൻ, ബീഫ് എന്നീ അച്ചാറുകളാണ്. ഊണിന് തൊട്ടുകൂട്ടാൻ ഇതാ വേറിട്ടൊരു ബീഫ് അച്ചാർ തയ്യാറാക്കാം.
ആവശ്യമായ ചേരുവകൾ
ബീഫ്
ഇഞ്ചി വെളുത്തുള്ളി പേസ്റ്റ്
പച്ചമുളക്
നല്ലെണ്ണ
ഉപ്പ്
മഞ്ഞൾപ്പൊടി
മുളകുപൊടി
കറിവേപ്പില
പാകം ചെയ്യുന്ന വിധം
ബീഫ് ചെറുതായി അരിഞ്ഞത് ഒരു കപ്പ് ആവശ്യത്തിന് ഉപ്പും മഞ്ഞളും മുളകുപൊടിയും ചേർത്തു വറുത്തെടുക്കുക. മൂന്നു ടേബിൾ സ്പൂൺ നല്ലെണ്ണ ചൂടാക്കി അതിൽ ഓരോ ടേബിൾ സ്പൂൺ വീതം ഇഞ്ചി വെളുത്തുള്ളി പേസ്റ്റ് വറുക്കുക. ഇതിലേക്കു ചെറുതായി കൊത്തിയരിഞ്ഞ രണ്ടു പച്ചമുളകും രണ്ടു തണ്ട് കറിവേപ്പിലയും ചേർത്തു വഴറ്റണം. രണ്ടു ടേബിൾ സ്പൂൺ മുളകുപൊടിയും പാകത്തിന് ഉപ്പും ചേര്‍ക്കുക. ഇതിൽ വറുത്തു വച്ച ബീഫ് ചേർത്തു നന്നായി ഇളക്കുക. ആവശ്യമെങ്കിൽ രണ്ടു സ്പൂൺ വെള്ളം ചേർക്കാം. രണ്ടു ദിവസത്തിനു ശേഷം ഉപയോഗിക്കുക. ഈ അച്ചാർ ഫ്രിഡ്ജിൽ സൂക്ഷിക്കണം.
