ഫാറ്റി ആസിഡുകളുടെയും ചില അമിനോ ആസിഡുകളുടെയും കലവറയായ എള്ള് കഴിച്ചാലുള്ള ആരോഗ്യഗുണങ്ങള് ചെറുതൊന്നുമല്ല. ഒരു ടേബിള് സ്പൂണ് എള്ളില് 52 കലോറി മാത്രമാണ് അടങ്ങിയിരിക്കുന്നത്. കൂടാതെ കൊഴുപ്പ്, കാര്ബോ ഹൈഡ്രേറ്റ്, പ്രോട്ടീന്, കോപ്പര്,കാല്സ്യം, മഗ്നീഷ്യം, ഇരുമ്പ്, ഫോസ്ഫറസ്. സിങ്ക്, തയാമിന് എള്ളിൽ അടങ്ങിയിരിക്കുന്നു. എള്ളെണ്ണ പ്രമേഹം തടയാന് സഹായിക്കുമെന്ന് പഠനങ്ങള് വ്യക്തമാക്കുന്നു. കൂടാതെ ഗ്ലൂക്കോസ് നില മെച്ചപ്പെടുത്താനും നല്ലതാണ്. അര്ബുദത്തെ പ്രതിരോധിക്കുന്ന സംയുക്തങ്ങളായ ഫൈറ്റിക് ആസിഡ്, മഗ്നീഷ്യം, ഫൈറ്റോസ്റ്റെറോള് ഇവ എള്ളിൽ അടങ്ങിയിട്ടുണ്ട്. എള്ളിലെ തയാമിന്, പെറ്റോഫാന് തുടങ്ങിയ ജീവകങ്ങള് സെറോടോണിന് എന്ന ഹോര്മോണിന്റെ ഉത്പ്പാദനം കൂട്ടുന്നു.
കറുത്ത എള്ളില് ഇരുമ്പ് ധാരാളമായി കാണപ്പെടുന്നു. വിളര്ച്ചയ്ക്കും ക്ഷീണത്തിനും എള്ള് കഴിക്കുന്നത് നല്ലതാണ്. എള്ള് മുടിയുടെ വേരുകളെ ബലപ്പെടുതുകയും ഒമേഗ ഫാറ്റി ആസിഡുകള് മുടി വളരാന് സഹായിക്കുകയും ചെയ്യുന്നു. മാത്രമല്ല, മുടി നരയ്ക്കുന്നതിനെയും തടയുന്നു.