മോട്ടറോളയുടെ പുതിയ ഫോൺ മോട്ടോ ജി04 അടുത്ത ആഴ്ച ഇന്ത്യയിൽ അവതരിപ്പിക്കുമെന്ന് കമ്പനി പ്രഖ്യാപിച്ചു. ഫെബ്രുവരി 15ന് സ്മാര്‍ട്ട്‌ഫോണ്‍ ഇന്ത്യയില്‍ അവതരിപ്പിക്കുമെന്ന് ഫ്‌ളിപ്പ്കാര്‍ട്ടിലൂടെ കമ്പനി വെളിപ്പെടുത്തിയിട്ടുണ്ട്.64 ജിബി സ്റ്റോറേജ്-4 ജിബി റാം, 128 ജിബി സ്റ്റോറേജ്-8 ജിബി റാം എന്നിങ്ങനെ രണ്ട് സ്റ്റോറേജ് ഓപ്ഷനോട് കൂടിയാണ് പുതിയ മോഡല്‍ അവതരിപ്പിക്കുന്നത്.
90Hz റിഫ്രഷ് റേറ്റ് ഉള്ള 6.6 ഇഞ്ച് ഡിസ്‌പ്ലേയാണ് മോട്ടോ ജി04 ക്ക് നൽകിയിരിക്കുന്നത്.കറുപ്പ്, നീല, പച്ച, ഓറഞ്ച് എന്നിങ്ങനെ നാല് കളറെങ്കിലും ഉണ്ടാകും. ഫ്ലിപ്കാർട്ട് വഴി വിൽപ്പനയ്‌ക്കെത്തുമെന്നും സ്ഥിരീകരിച്ചു. ഇ-കൊമേഴ്‌സ് വെബ്‌സൈറ്റിൽ സ്മാർട്ട്‌ഫോണിന്റെ രൂപകൽപ്പനയും പ്രധാന സവിശേഷതകളും വെളിപ്പെടുത്തുന്ന ഒരു പേജ് തയ്യാറാക്കിയിട്ടുണ്ട്.
ആന്‍ഡ്രോയിഡ് 14 അധിഷ്ഠിത മൈ യുഎക്‌സ് ഉപയോഗിച്ചാണ് ഫോണ്‍ പ്രവര്‍ത്തിക്കുന്നത്. 64 ജിബി ഓണ്‍ബോര്‍ഡ് സ്‌റ്റോറേജുമുണ്ട്. നീണ്ട സമയത്തേക്ക് ഉപയോഗിക്കുന്നതിന് വേണ്ടി 5,000mAh ബാറ്ററിയാണ് ഉപയോഗിക്കുന്നത്.സെൽഫി എടുക്കുന്നതിനായി പ്രത്യേക സൗകര്യവും ഏർപ്പെടുത്തിയിട്ടുണ്ട്. ഇത് ഒരു യുനിഎസ്ഒസി ടി606 എസ്ഒസി കൊണ്ട് സജ്ജീകരിച്ചിരിക്കുന്നു കൂടാതെ രണ്ട് റാം, സ്റ്റോറേജ് ഓപ്ഷനുകളിലും ലഭ്യമാകും.അടിസ്ഥാന 4ജിബി + 64ജിബി സ്റ്റോറേജ് വേരിയന്റിന്റെ ഹാൻഡ്‌സെറ്റിന് ഇന്ത്യയിലെ വില ഏകദേശം 10,600 രൂപ മുതൽ ആരംഭിക്കുന്നു.
