തിരുവനന്തപുരം: മാസപ്പടി കേസില് അന്വേഷണം നടത്തില്ല. മുഖ്യമന്ത്രി പിണറായി വിജയനും മകള് വീണയ്ക്കും എതിരായ ഹര്ജിയാണ് കോടതി inn തള്ളിയത്. കോണ്ഗ്രസ് നേതാവ് മാത്യു കുഴല്നാടനൻ സമർപ്പിച്ച ഹര്ജിയാണ് തള്ളിയത്. മാസപ്പടി കേസില് മുഖ്യമന്ത്രി പിണറായി വിജയന്, മകള് വീണാ വിജയന് എന്നിവര്ക്കെതിരെ അന്വേഷണം നടത്തണമെന്ന് ആവശ്യപ്പെട്ട് ഹര്ജി. സിഎംആര്എല് കമ്പനിക്ക് സംസ്ഥാന സര്ക്കാര് വഴിവിട് സഹായങ്ങള് നല്കിയെന്നായിരുന്നു ഉന്നയിച്ച ആരോപണം. ഹര്ജി തള്ളിയത് തിരുവനന്തപുരം വിജിലന്സ് കോടതിയാണ്. വിജിലൻസ് അന്വേഷണം വേണമെന്ന ആവശ്യവും കോടതി മേൽനോട്ടത്തിൽ അന്വേഷണം വേണമെന്ന ആവശ്യവും അതിനൊപ്പം തള്ളി.
സിഎംആര്എല്ലിന് വഴിവിട്ട സഹായം നല്കിയതിന് പ്രതിഫലമായി മുഖ്യമന്ത്രിയുടെ മകള് വീണയുടെ കമ്പനിക്ക് മാസപ്പടി നല്കിയെന്നും ഹര്ജിയില് വ്യക്തമാക്കിയിരുന്നു. തുടര്ന്ന് വഴിവിട്ട സഹായം നല്കിയെന്നതിന് തെളിവുകള് നിരത്താൻ കോടതി മാത്യു കുഴല്നാടനോട് ആവശ്യപ്പെട്ടു. കഴിഞ്ഞ ദിവസം കേസ് പരിഗണിച്ചപ്പോള് അഞ്ച് രേഖകള് മാത്യു കുഴല്നാടന് കോടതിയില് നല്കിയിരുന്നു. എന്നാല് ഈ രേഖകളിലൊന്നും സര്ക്കാര് വഴിവിട്ട് സഹായം ചെയ്തതായി കണ്ടെത്താൻ കഴിഞ്ഞിട്ടില്ലെന്നാണ് വിജിലന്സും കോടതിയില് വാദിച്ചു.