നീണ്ട ട്രോളിംഗ് നിരോധനത്തിന് ശേഷം സജീവമായി ഹാർബറുകൾ

ലോക്ക് ഡൗണും പ്രതികൂല കാലാവസ്ഥയെ തുടർന്നുണ്ടായ നിയന്ത്രണങ്ങളും മൂലം വറുതിയിലായിരുന്ന തൊഴിലാളികൾ പ്രതീക്ഷയോടെ മൽസ്യ തൊഴിലാളികൾ വള്ളവും ബോട്ടുകളും ഇറക്കി. നീണ്ട അമ്പത്തിരണ്ട് ദിവസങ്ങൾക്ക് ശേഷം ട്രോളിംഗ് നിരോധനനം പിൻവലിച്ചിരിക്കുകയാണ് . കേരളത്തിലെ ഹാർബറുകൾ ഇതോടെ വീണ്ടും സജീവമായി. ശനിയാഴ്ച അർധരാത്രിയോടെയാണ് ട്രോളിംഗ് നിരോധനം അവസാനിച്ചത്. ട്രോളിംഗ് നിരോധനം കഴിഞ്ഞ ഉടനെ ബോട്ടുകൾ കടലിലേക്ക് പോയെങ്കിലും ഹാർബറുകളിൽ കഴിഞ്ഞ ദിവസം വില്പന അനുവദിച്ചിരുന്നില്ല. വാരാന്ത്യ ലോക്ക്ഡൗൺ ആയതിനാലാണ് വിൽപ്പന അനുവദിക്കാതിരുന്നത്. ഇന്ന് മുതൽ ഹാർബർ തുറന്നതോടെ വലിയ പ്രതീക്ഷയിലാണ് മത്സ്യ തൊഴിലാളികൾ. ഹാർബറുകൾ തുറന്നതോടെ നിരവധി പേർ എത്തിച്ചേരുന്നുണ്ട്. കൃത്യമായ കൊവിഡ് മാനദണ്ഡങ്ങൾ പാലിച്ചാണ് ഹാർബറുകളുടെ പ്രവർത്തനം.