നടി തൃഷക്കെതിരായ സ്ത്രീവിരുദ്ധ പരാമർശത്തിൽ നടൻ മൻസൂർ അലി ഖാൻ മാപ്പ് പറഞ്ഞു. ഒരു കുറിപ്പിലൂടെ യാണ് താരം മാപ്പ് പറഞ്ഞത്. കഴിഞ്ഞദിവസം കേസിൽ മൻസൂർ അലിഖാനെ പോലീസ് ചോദ്യം ചെയ്തിരുന്നു. ഇതിനു പിന്നാലെയാണ് ഒരു കുറിപ്പിലൂടെ മാപ്പ് ചോദിച്ചുകൊണ്ട് താരം രംഗത്ത് വന്നത്.
കുറിപ്പിൽ തന്റെ പരാമർശം സഹപ്രവർത്തകയായ തൃഷയെ വേദനിപ്പിച്ചെന്ന് മനസ്സിലാക്കുന്നു എന്നും പരസ്യമായി ഇതിന് മാപ്പ് പറയുന്നു എന്നും മൻസൂർ അലിഖാൻ പറഞ്ഞു. തൃഷയും വിജയും ഒന്നിച്ചെത്തിയ ലിയോ എന്ന ചിത്രത്തെ ചൊല്ലിയായിരുന്നു നടൻ തൃഷയ്‌ക്കെതിരെ വിവാദ പരാമർശം ഉന്നയിച്ചത്.
നടന്റെ വാക്കുകളിൽ ശക്തമായ രീതിയിൽ അപലപിക്കുന്നുവെന്നും നടൻ മനുഷ്യരാശിക്ക് തന്നെ അപമാനമാണ് എന്നും പറഞ്ഞ് തൃഷ രൂക്ഷമായ രീതിയിൽ നടനെതിരെ പ്രതികരിക്കുകയും ചെയ്തിരുന്നു.
