മുംബൈയിൽ ട്രെയിൻ ഇടിച്ച് 3 റെയിൽവേ ജീവനക്കാർക്ക് ദാരുണാന്ത്യം. മുംബൈയിലെ വസായിയിലെ റെയിൽവേയിൽ സിഗ്നലിംഗ് ജോലിക്കിടെ ലോക്കൽ ട്രെയിൻ ഇടിച്ചാണ് അപകടം. തിങ്കളാഴ്ച വൈകുന്നേരം തകരാറിലായ സിഗ്നലിംഗ് പോയിന്റ് പരിഹരിക്കാൻ പോയ ജീവനക്കാർ രാത്രി 8.55 ഓടെ വസായ് റോവക്ക് ഇടയിലാണ് അപകടത്തിൽപ്പെട്ടത്.
ഭയന്തറിലെ ചീഫ് സിഗ്നലിംഗ് ഇൻസ്പെക്ടർ വാസു മിത്ര, ഇലക്ട്രിക്കൽ സിഗ്നലിംഗ് മെയിന്റനർ സോമനാഥ് ഉത്തം ലംബുത്രെ, ഇവരുടെ സഹായി സച്ചിൻ വാംഖഡെ എന്നിവരാണ് അപകടത്തിൽ മരിച്ചത് എന്ന് വെസ്റ്റേൺ റെയിൽവേ പുറത്തിറക്കിയ പ്രസ്താവനയിൽ പറയുന്നു.
പശ്ചിമ റെയിൽവേ സംഭവത്തിൽ അന്വേഷണത്തിന് ഉത്തരവിടുകയും അടിയന്തര സഹായമായി മരിച്ച മൂന്നുപേരുടെയും കുടുംബാംഗങ്ങൾക്ക് 55,000 രൂപ വീതം നൽകുകയും ചെയ്തിട്ടുണ്ട്.