വിഷുവിനോട് തൊട്ടടുത്ത മാസങ്ങളായതിനാൽ വഴിയോരങ്ങളിലും മറ്റും മഞ്ഞ നിറത്തിൽ പൂത്ത് വിടർന്നു നിൽക്കുന്ന കണിക്കൊന്ന വളരെയധികം മനം കുളിർപ്പിക്കുന്ന ഒരു കാഴ്ച തന്നെയാണ്. സാധാരണയായി മാർച്ച്, ഏപ്രിൽ മാസങ്ങളിൽ ഉണ്ടാകുന്ന കണിക്കൊന്ന കൺവെക്കാൻ മാത്രമല്ല കേട്ടോ ഉപയോഗിക്കാൻ സാധിക്കുക.കണി വെക്കാൻ ഉപയോഗിക്കും എന്നതല്ലാതെ മറ്റനേകം ഗുണങ്ങൾ കൂടി ഉള്ള ഒന്നാണ് കണിക്കൊന്ന. സാധാരണയായി കണിക്കൊന്ന കണി വെക്കാനാണ് ഉപയോഗിക്കാറ്. ‘ഗോൾഡൻ ഷവർ’ എന്നറിയപ്പെടുന്ന ഈ പൂക്കൾ ഇല്ലാതെ മലയാളികൾ കണി ഒരുക്കാറില്ല എന്ന് തന്നെ പറയാം. നിരവധി ആരോഗ്യഗുണങ്ങളാൽ സമ്പന്നമാണ് കണിക്കൊന്ന എന്നാണ് ആയുർവേദം പറയുന്നത്.ശരീരത്തെ തണുപ്പിക്കാൻ കഴിയുന്ന പൂക്കളാണ് സാധാരണയായി വേനൽക്കാലത്ത് പൂക്കുന്ന കണിക്കൊന്ന. ആയുർവേദ വിധിപ്രകാരം പലവിധ ചർമ്മ രോഗങ്ങൾക്കും ഉള്ള പരിഹാരം കൂടിയാണ് കണിക്കൊന്ന. കണിക്കൊന്ന മരത്തിന്റെ തൊലി ഉപയോഗിച്ചുകൊണ്ടുള്ള കഷായമാണ് ചർമ്മ രോഗങ്ങൾക്ക് പരിഹാരമാർഗമായി ഉപയോഗിക്കുന്നത്.
കണിക്കൊന്ന മരത്തിന്റെ തൊലി ഉപയോഗിച്ച് കാച്ചിയ എണ്ണ സോറിയോസിസ് പോലുള്ള ചർമ്മ രോഗങ്ങൾക്ക് വളരെയധികം ഫലപ്രദമാണ്. കണിക്കൊന്ന മരത്തിലെ ഇലകൾ ഉപയോഗിച്ച് തടി കുറയ്ക്കാനും സാധിക്കും. മഞ്ഞപ്പിത്തത്തിനും രക്തശുദ്ധിക്കും കണിക്കൊന്നയുടെ തളിരില മോരിൽ അരച്ച് കലക്കി കുടിക്കുന്നത് ഗുണകരമാണ്.കണിക്കൊന്ന ഉപയോഗിച്ചുണ്ടാക്കിയ കഷായം മലബന്ധം അകറ്റുന്നതിനും വയറുവേദനയ്ക്കും വയറ്റിൽ ഉണ്ടാകുന്ന അൾസറിനും ഫലപ്രദമായ ഒന്നാണ്.