മഹാധമനി തകര്ന്ന ബീഹാര് സ്വദേശിയായ അതിഥി തൊഴിലാളിയ്ക്ക് കരുതലായി സംസ്ഥാന ആരോഗ്യ വകുപ്പ്. സാമ്പത്തികമായി സഹായിക്കാന് ആരുമില്ലാതിരുന്ന ബീഹാര് സ്വദേശി മനോജ് ഷായ്ക്കാണ് 25 ലക്ഷത്തോളം രൂപ ചെലവ് വരുന്ന അതിസങ്കീര്ണ ശസ്ത്രക്രിയ സർക്കാർ ചിലവിൽ കോട്ടയം മെഡിക്കല് കോളേജില് നടത്തി ജീവിതത്തിലേക്ക് തിരികെ കൊണ്ടുവന്നത്.
ശസ്ത്രക്രിയ്ക്ക് ശേഷവും മനോജ് ഷായ്ക്ക് അസ്വസ്തതകള് ഉണ്ടായതിനാല് തുടര് ശസ്ത്രക്രിയയും ആവശ്യമായി വന്നു. ഐസിയു നിരീക്ഷണത്തിനും തുടര്ചികിത്സയ്ക്കും ശേഷം മനോജ് ഷാ ആശുപത്രി വിട്ടു. സഹായിക്കാന് ആരുമില്ലാതിരുന്നിട്ടും മറുനാട്ടില് തന്നെ സഹായിച്ച ഡോ. ജയകുമാറിനോടും സഹപ്രവര്ത്തകരോടും നിറകണ്ണുകളോടെ നന്ദി പറഞ്ഞ് മനോജ് ഷാ ആശുപത്രി വിടുകയായിരുന്നു.
അതിസങ്കീര്ണ ശസ്ത്രക്രിയ വിജയകരമാക്കിയ കോട്ടയം മെഡിക്കല് കോളേജ് ടീം അംഗങ്ങളേയും ചികിത്സാ പദ്ധതി ഏകോപിപ്പിച്ച സ്റ്റേറ്റ് ഹെല്ത്ത് ഏജന്സി അംഗങ്ങളേയും ആരോഗ്യ വകുപ്പ് വകുപ്പ് മന്ത്രി വീണാ ജോര്ജ് അഭിനന്ദിച്ചു..
You must be logged in to post a comment Login