നടി ഭാവനയ്ക്ക് പിറന്നാൾ ആശംസകൾ നേർന്ന് മഞ്ജു വാരിയർ അടക്കമുള്ള താരങ്ങൾ. ഭാവനയ്ക്കും സംയുക്ത വർമയ്ക്കുമൊപ്പമുള്ള ചിത്രം പങ്കുവച്ചായിരുന്നു മഞ്ജു പിറന്നാൾ ആശംസകൾ നേർന്നത്. ‘ ഈ ചിത്രത്തിനു തെളിമ ഉണ്ടാകണമെന്നില്ല. പക്ഷേ ഇതിലെ വികാരങ്ങൾ സത്യമാണ്. പിറന്നാൾ ആശംസകൾ ഭാവന. ഞാനറിയുന്നതിൽ ഏറ്റവും കരുത്തയായ വനിത. സ്നേഹം മാത്രം.’–മഞ്ജു കുറിച്ചു.
മീര ജാസ്മിൻ, രമ്യ നമ്പീശൻ, സയനോര ഫിലിപ്പ്, മൃദുല വാരിയർ, ശിൽപ ബാല, റിമി ടോമി, കുഞ്ചാക്കോ ബോബൻ, ഉണ്ണി മുകുന്ദൻ, ജയസൂര്യ, ഷറഫുദ്ദീൻ, ഗൗതമി നായര്‍ തുടങ്ങി നിരവധി താരങ്ങൾ ഭാവനയ്ക്ക് ആശംസകളുമായി എത്തി.
‘അവളെ കരുതിയിരിക്കുക, കാരണം നിങ്ങൾ വിചാരിക്കുന്നതിലുമധികം തവണ മുറിവുണങ്ങി സ്വയം നവീകരിച്ചു വരുന്നവളാണവൾ. സ്വന്തം പ്രശ്നങ്ങളെ പോർചട്ടയായി ധരിക്കുന്നവൾ.’–പിറന്നാൾ ആശംസകൾ നേർന്ന് സംയുക്ത വർമ കുറിച്ചു.
You must be logged in to post a comment Login