കഴിഞ്ഞ 24 മണിക്കൂറിനിടെ ഇന്ത്യയില്‍ റിപ്പോര്‍ട്ട് ചെയ്തത് 9011 കോവിഡ് കേസുകളെന്ന് റിപ്പോര്‍ട്ട്. തിങ്കളാഴ്ച 24 പേര്‍ കൂടി മരിച്ചിരുന്നു, മൊത്തം മരണസംഖ്യ 531,141 ആയി. ഗുജറാത്തിലാണ് ഏറ്റവും കൂടുതല്‍ മരണങ്ങള്‍ രേഖപ്പെടുത്തിയത്, ഉത്തര്‍പ്രദേശില്‍ നാല് മരണങ്ങളാണ് റിപ്പോര്‍ട്ട് ചെയ്തത്.
ഡല്‍ഹിയിലും രാജസ്ഥാനിലും കഴിഞ്ഞ 24 മണിക്കൂറിനുള്ളില്‍ മൂന്ന് മരണങ്ങള്‍ വീതം റിപ്പോര്‍ട്ട് ചെയ്തതായി ആരോഗ്യ മന്ത്രാലയത്തിന്റെ കണക്കുകള്‍ വ്യക്തമാക്കുന്നു. തമിഴ്‌നാട്, മഹാരാഷ്ട്ര, കേരളം, ജാര്‍ഖണ്ഡ്, ഹിമാചല്‍ പ്രദേശ്, ഛത്തീസ്ഗഡ്, ബിഹാര്‍ എന്നിവിടങ്ങളില്‍ നിന്നാണ് ബാക്കിയുള്ള മരണങ്ങള്‍ റിപ്പോര്‍ട്ട് ചെയ്തത്.
ഹരിയാനയില്‍ തിങ്കളാഴ്ച 898 പുതിയ കോവിഡ് -19 കേസുകളും ഒരു മരണവും റിപ്പോര്‍ട്ട് ചെയ്തതായി ആരോഗ്യ വകുപ്പിന്റെ ബുള്ളറ്റിന്‍ പറയുന്നു. പുതിയ കേസുകളില്‍ പകുതിയിലേറെയും ഗുരുഗ്രാം ജില്ലയില്‍ നിന്നാണ് റിപ്പോര്‍ട്ട് ചെയ്യപ്പെട്ടത്, മരണം റിപ്പോര്‍ട്ട് ചെയ്തത് പഞ്ച്കുളയില്‍ നിന്നാണ്. ഗുരുഗ്രാം 461, ഫരീദാബാദ് 134, യമുനാനഗര്‍ 47, കര്‍ണാല്‍ 43, പഞ്ച്കുല 35, സോനിപത് 23, റോഹ്തക് 20, പാനിപ്പത്ത് 19 എന്നിങ്ങനെയാണ് കേസുകള്‍ റിപ്പോര്‍ട്ട് ചെയ്തത്.
