കാത്തിരിപ്പുകൾക്കൊടുവിൽ ഇലക്ട്രിക് സ്കൂട്ടറുമായി ടിവിഎസ്. ടിവിഎസ് എക്സ് എന്ന പുതിയ മോഡലാണ് കമ്പനി വിപണിയിൽ അവതരിപ്പിച്ചിരിക്കുന്നത്. പ്രീമിയം വൈദ്യുത സ്കൂട്ടർ വിഭാഗത്തിലാണ് ടിവിഎസ് എക്സിനെ ഉൾപ്പെടുത്തിയിട്ടുള്ളത്. സ്കൂട്ടറിനോട് സാമ്യമുള്ള ഫീച്ചറുകളും, മോട്ടോർബൈക്കിന്റെ രൂപകൽപ്പനയുമാണ് ഈ മോഡലിന് നൽകിയിട്ടുള്ളത്. ടിവിഎസ് എക്സിന്റെ മറ്റ് സവിശേഷതകൾ പരിചയപ്പെടാം.
ടിവിഎസ് എക്സിന് 2.6 സെക്കന്റിനുള്ളിൽ മണിക്കൂറിൽ 0 മുതൽ 40 കിലോമീറ്റർ വരെ വേഗത കൈവരിക്കാൻ കഴിയുന്നതാണ്. ഈ മോഡലിന്റെ പരമാവധി വേഗത 105 kmph ആണ്. പ്രീമിയം വിഭാഗത്തിൽ ഉൾപ്പെടുത്തിയതിനാൽ ടിവിഎസ് എക്സിന്റെ ഇന്ത്യൻ വിപണി വില 2.49 രൂപയാണ്. നിലവിൽ, ഉപഭോക്താക്കൾക്ക് ബുക്കിംഗിനുള്ള സൗകര്യം ഏർപ്പെടുത്തിയിട്ടുണ്ട്. ഈ വർഷം നവംബർ മുതൽ രാജ്യത്തെ 15 നഗരങ്ങളിൽ വിൽപ്പന ആരംഭിക്കും.
