വണ്പ്ലസിന്റെ ഫ്ളാഗ്ഷിപ്പ് സ്മാര്ട്ഫോണായ വണ്പ്ലസ് 12 ജനുവരി 23 ന് ഇന്ത്യയില് പുറത്തിറക്കും. വിവിധ സോഷ്യല് മീഡിയാ പ്ലാറ്റ്ഫോമുകളിലൂടെയാണ് ഫോണ് അവതരിപ്പിക്കുക. വണ്പ്ലസ് 12 നൊപ്പം വിലകുറവുള്ള മറ്റൊരു പതിപ്പും അവതരിപ്പിച്ചേക്കുമെന്നാണ് റിപ്പോര്ട്ട്. ചൈനയില് ഇതിനോടകം തന്നെ വണ്പ്ലസ് 12 അവതരിപ്പിച്ചിട്ടുണ്ട്.
6.82 ഇഞ്ച് വലിപ്പമുള്ള വലിയ ഫ്ളൂയിഡ് അമോലെഡ് സ്ക്രീന് ആണ് വണ്പ്ലസ് 12 ന്. 1440 x 3168 പിക്സല് റസലൂഷനുണ്ട്. 120 ഹെര്ട്സ് റിഫ്രഷ്റേറ്റ് പിന്തുണയ്ക്കും. എച്ച്ഡിആര് പ്ലസ് സാങ്കേതികവിദ്യയും ഡിസ്പ്ലേയിലുണ്ട്. കോര്ണിങ് ഗൊറില്ല ഗ്ലാസ് വിക്ടസ് സംരക്ഷണമുണ്ട് ഫോണിനുണ്ട്. ക്വാല്കോം സ്നാപ്ഡ്രാഗണ് 8 ജെന് 3 പ്രൊസസറില് പ്രവര്ത്തിക്കുന്ന ഫോണില് അഡ്രിനെ 730 ഗ്രാഫിക് പ്രൊസസിങ് യൂണിറ്റാനുള്ളത്.
50 എംപി പ്രധാന സെന്സറും, 48 എംപി അള്ട്രാവൈഡ്, 64 എംപി ടെലിഫോട്ടോ ലെന്സ് എന്നിവയടങ്ങുന്ന ട്രിപ്പിള് റിയര് ക്യാമറയാണിതിന്. 32 എംപി ആണ് സെല്ഫി ക്യാമറ.5400 എംഎഎച്ച് ശക്തിയേറിയ ബാറ്ററിയില് 100 വാട്ട് സൂപ്പര് വൂക്ക് ചാര്ജിങ് സൗകര്യമുണ്ട്. 25 മിനിറ്റുകൊണ്ട് 100 ശതമാനം ചാര്ജ് ചെയ്യാന് സാധിക്കും.