മഴക്കാലത്ത് പകര്ച്ചവ്യാധികള് പ്രതിരോധിക്കുന്നതിന്റെ ഭാഗമായി സംഘടിപ്പിക്കുന്ന ജനകീയ ശുചീകരണ പരിപാടി ജില്ലയില് ജൂണ് നാലു മുതല് ആറു വരെ നടക്കുമെന്നു ജില്ലാ കളക്ടര് ഡോ. നവ്ജ്യോത് ഖോസ അറിയിച്ചു. ജില്ലാ ഭരണകൂടം, തദ്ദേശ സ്വയംഭരണ സ്ഥാപനങ്ങള്, വിവിധ വകുപ്പുകള് എന്നിവ സംയുക്തമായാണു പരിപാടി സംഘടിപ്പിക്കുന്നത്.
രോഗാണുവാഹകരായ ജീവികളുടെ വളര്ച്ച തടയുക, പരിസര ശുചിത്വം ഉറപ്പാക്കുക എന്നിവയാണു ശുചീകരണ പരിപാടിയുടെ ലക്ഷ്യം. കര്ശന കോവിഡ് മാനദണ്ഡങ്ങള് പാലിച്ചു സംഘടിപ്പിക്കുന്ന പരിപാടിയുടെ ഭാഗമായി ജൂണ് നാലിനു തൊഴിലിടങ്ങള്, അഞ്ചിനു പൊതു ഇടങ്ങള്, ആറിനു വീടുകള് എന്നിവിടങ്ങളില് മാലിന്യം നീക്കി ശുചിത്വം ഉറപ്പാക്കും. ഹരിതകര്മസേന, കുടുംബശ്രീ അയല്ക്കൂട്ടങ്ങള്, എന്.എസ്.എസ്, എന്.സി.സി, റെസിഡന്സ് അസോസിയേഷനുകള്, സന്നദ്ധപ്രവര്ത്തകര് എന്നിവര് പങ്കാളികളാകും. അഞ്ചു പേരടങ്ങുന്ന സംഘങ്ങളായിട്ടാകും ഓരോയിടവും വൃത്തിയാക്കുക.
ഇതുമായി ബന്ധപ്പെട്ട് ഓണ്ലൈനായി ചേര്ന്ന യോഗത്തില് ജില്ലാ പഞ്ചായത്ത് പ്രസിഡന്റ് ഡി. സുരേഷ് കുമാര്, തദ്ദേശ സ്വയംഭരണ സ്ഥാപനങ്ങളിലെ ജനപ്രതിനിധികള്, ജില്ലാ കളക്ടര് ഡോ. നവ്ജ്യോത് ഖോസ, ജില്ലാ മെഡിക്കല് ഓഫിസര് ഡോ. കെ.എസ്.ഷിനു വിവിധ വകുപ്പുകളിലെ ജില്ലാതല ഉദ്യോഗസ്ഥര് തുടങ്ങിയവര് പങ്കെടുത്തു.
You must be logged in to post a comment Login