തൃശൂർ: പന്നിയങ്കര ടോൾ പ്ളാസയിൽ ബസുകൾ തടഞ്ഞതിൽ പ്രതിഷേധിച്ച് പാലക്കാട്-തൃശൂർ റൂട്ടിൽ സ്വകാര്യ ബസ് സർവീസ് നിർത്തിവച്ചു. അമിത ടോൾ നിരക്ക് ഈടാക്കുന്നുവെന്ന് ആരോപിച്ച് സ്വകാര്യ ബസ് ഉടമകൾ നേരത്തെ ഇവിടെ സമരം നടത്തിയിരുന്നു. പതിനായിരത്തി അഞ്ഞൂറ് രൂപയാണ് സ്വകാര്യ ബസുകൾ 50 ട്രിപ്പുകൾക്ക് ടോൾ കടക്കാൻ നൽകേണ്ടി വരുന്നതെന്നും ഇത് വലിയ സാമ്പത്തിക പ്രതിസന്ധികളാണ് സൃഷ്ടിക്കുന്നതെന്നുമാണ് ബസുടമകളുടെ വാദം.
അതേസമയം, ഇന്നുമുതൽ ലോറി തൊഴിലാളികളുടെയും ഉടമകളുടെയും അനിശ്‌ചിതകാല സമരം ആരംഭിക്കും. 430 രൂപയാണ് നിർമാണ പ്രവർത്തനങ്ങൾക്ക് ഉപയോഗിക്കുന്ന ഭാരം കൂടിയ വാഹനങ്ങൾ അടക്കമുള്ളവയ്‌ക്ക് ഒരുഭാഗത്തേക്ക് നൽകേണ്ട ടോൾ തുക. ഇരുഭാഗത്തേക്കും പോകണമെങ്കിൽ 645 രൂപയാകുമ്പോൾ 14,315 രൂപയാണ് ഒരു മാസത്തെ പാസിന് നൽകേണ്ടത്.
You must be logged in to post a comment Login