ഇന്ന് വിഷു ഐശ്വര്യത്തിന്റെയും സമൃദ്ധിയുടേയുമാണ് മലയാളികൾ വിഷുവിനെ വരവേറ്റത്. സൂര്യന് മീനത്തില് നിന്ന് മേടരാശിയിലേക്ക് കടക്കുന്നതാണ് വിഷു. രാവും പകലും തുല്യമാകുമെന്നതാണ് ദിവസത്തിന്റെ പ്രത്യേകത.കൊല്ലവര്ഷം വരും മുന്പ് മലയാളിക്കിത് കാര്ഷിക വര്ഷപ്പിറവിയുടെ ദിനമായിരുന്നു. ശ്രീകൃഷ്ണന് നരകാസുരനെ വധിച്ച ദിനമെന്ന ഐതിഹ്യവുമുണ്ട് വിഷുവിന്. സമൃദ്ധമായൊരു ഭൂതകാലത്തിന്റെ ഓര്മ്മപ്പെടുത്തലാണ് ഏതൊരു ആഘോഷത്തേയും പോലെ വിഷുവും. കാർഷിക സമൃദ്ധിയുടെ പോയകാലത്തെ സ്മരണകൾക്കൊപ്പം വരാനിരിക്കുന്ന നല്ല നാളുകളുടെ പ്രതീക്ഷകൂടിയാണ് ഒരോ വിഷുവും.
ആ നല്ല കാലത്തിന്റെ ഓര്മ്മയ്ക്കായി ഐശ്യര്വമുളള കാഴ്ചകളിലേക്ക് വിഷുപ്പുലരിയില് നാം കണ്ണുതുറക്കുന്നു.ഓട്ടുരുളിയില് വാല്ക്കണ്ണാടിയും വെളളരിയും കൊന്നയും ഫലവര്ഗ്ഗങ്ങളും പണവും സ്വര്ണ്ണവും തുടങ്ങി ഭൂമിയിലെ എല്ലാ നല്ല വസ്തുവകകളും ചേര്ത്തൊരുക്കുന്ന കണി ഒരു വര്ഷം മുഴുവന് നീണ്ടു നില്ക്കുന്ന പ്രതീക്ഷയുടെ പ്രതീകമാണ്.കുടുംബത്തിലെ ഇളമുറക്കാര്ക്ക് മുതിര്ന്നവര് നല്കുന്ന കൈനീട്ടവും സമ്പത്തിന്റേയും സമൃദ്ധിയുടേയും കൈമാറലാണ്.
You must be logged in to post a comment Login