ബേസിൽ ജോസഫിനെ പ്രധാന കഥാപാത്രമാക്കി നവാഗതനായ നിതീഷ് സഹദേവ് സംവിധാനം ചെയ്യുന്ന ‘ഫാലിമി’യുടെ ടീസർ പുറത്തുവിട്ട് അണിയറപ്രവർത്തകർ. കഴിഞ്ഞദിവസം പുറത്തുവിട്ട ചിത്രത്തിന്റെ ഫസ്റ്റ് ലുക്ക് പോസ്റ്റർ സിനിമ ലോകം ഏറ്റെടുത്തിരുന്നു.
കോമഡി- എന്റർടൈൻമെന്റ് ഴോണറിലാണ് ചിത്രമൊരുങ്ങുന്നത്. ബേസിൽ ജോസെഫിനെ കൂടാതെ ജഗദീഷ്, മഞ്ജു പിള്ള, സന്ദീപ് പ്രദീപ്, മീന രാജ് എന്നിവരാണ് ചിത്രത്തിലെ പ്രധാന കഥാപാത്രങ്ങൾ.
നിതീഷ് സഹദേവും, സാഞ്ചോ ജോസഫും ചേർന്നാണ് ചിത്രത്തിന് തിരക്കഥയൊരുക്കിയിരിക്കുന്നത്. ബബ്ലു അജു ഛായാഗ്രഹണം നിർവഹിക്കുന്ന ചിത്രത്തിൽ വിഷ്ണു വിജയ് ആണ് സംഗീതമൊരുക്കുന്നത്.
ജാനേ മൻ, ജയ ജയ ജയ ജയഹേ എന്നീ ചിത്രങ്ങളുടെ നിർമ്മാതാക്കളായ ചിയേഴ്സ് എന്റർടൈൻമെന്റിന്റെ ബാനറിൽ ലക്ഷ്മി വാര്യരും, ഗണേഷ് മേനോനും, അമൽ പോൾസണും ചേർന്നാണ് ഫാലിമി നിർമ്മിക്കുന്നത്.
