ഏറ്റവും ജനപ്രീതി നേടിയ ചിത്രങ്ങളില് ഒന്നായിരുന്നു കണ്ണൂര് സ്ക്വാഡ്. മമ്മൂട്ടി നായകനായ ചിത്രം സംവിധാനം ചെയ്തത് നവാഗതനായ റോബി വര്ഗീസ് രാജ് ആയിരുന്നു. റോണി ഡേവിഡ് രാജും മുഹമ്മദ് ഷാഫിയും ചേര്ന്നായിരുന്നു ചിത്രത്തിന്റെ രചന. ഇപ്പോഴിതാ ചിത്രത്തിന്റെ ഒടിടി റിലീസ് തീയതി പ്രഖ്യാപിച്ചിരിക്കുകയാണ്.
ചിത്രത്തിന്റെ ഒടിടി റിലീസ് പ്രമുഖ പ്ലാറ്റ്ഫോം ആയ ഡിസ്നി പ്ലസ് ഹോട്ട്സ്റ്റാറിലൂടെയാണ്. നവംബര് 17 ന് ചിത്രം ഹോട്ട്സ്റ്റാറില് സ്ട്രീമിംഗ് ആരംഭിക്കും. ബോക്സ് ഓഫീസ് കളക്ഷന് പരിഗണിക്കുമ്പോള് ആഗോള തലത്തില് നിന്ന് ചിത്രം 85 കോടിയിലേറെ നേടിയതായാണ് റിപ്പോര്ട്ടുകള്.
കിഷോർ കുമാർ, വിജയരാഘവൻ, അസീസ് നെടുമങ്ങാട്, ശബരീഷ്, റോണി ഡേവിഡ്, മനോജ് കെ യു, അർജുൻ രാധാകൃഷ്ണൻ, ദീപക് പറമ്പോല്, ധ്രുവൻ, ഷെബിൻ ബെൻസൺ, ശ്രീകുമാർ തുടങ്ങിയവരാണ് മമ്മൂട്ടിക്കൊപ്പം അഭിനയിച്ചിരിക്കുന്നത്.
ആദ്യദിനം മികച്ച പ്രേക്ഷകാഭിപ്രായവും ഓപണിംഗുമായി ആരംഭിച്ച ചിത്രം ഒരു മാസത്തിനിപ്പുറവും മികച്ച തിയറ്റര് കൗണ്ടോടെയാണ് തിയറ്ററുകളില് പ്രദര്ശിപ്പിച്ചത്.