സൂര്യ നായകനാകുന്ന സിരുത്തൈ ശിവയുടെ സംവിധാനത്തില് എത്തുന്ന പുതിയ ചിത്രമാണ് ‘കങ്കുവ’. ഇപ്പോഴിതാ ചിത്രത്തിന്റെ റിലീസ് തീയതി നിര്മ്മാതാക്കള് തീരുമാനിച്ചതായാണ് റിപ്പോര്ട്ടുകള്. ചിത്രം അടുത്ത വര്ഷം ഏപ്രില് 11 ന് തിയറ്ററില് എത്തിക്കാനാണ് നിര്മ്മാതാക്കളുടെ തീരുമാനമെന്നാണ് പുതിയ റിപ്പോര്ട്ടുകള്.
ചിത്രത്തിന്റെ പ്രൊമോഷണല് മെറ്റീരിയലുകളില് നിന്നാണ് ചിത്രം തങ്ങള് പ്രതീക്ഷിച്ചിരുന്ന റേഞ്ചിലുള്ള ഒന്നല്ലെന്ന് പ്രേക്ഷകര് മനസിലാക്കി തുടങ്ങിയത്. ഫസ്റ്റ് ലുക്കിനും ഫസ്റ്റ് ഗ്ലിംപ്സ് വീഡിയോയ്ക്കുമൊക്കെ വലിയ സ്വീകാര്യതയായിരുന്നു ലഭിച്ചിരുന്നത്.
ഇനിയും ചിത്രീകരണം പൂര്ത്തിയാക്കിയിട്ടില്ലാത്ത ചിത്രത്തിന്റെ അവസാന ഷെഡ്യൂള് പുരോഗമിക്കുകയാണ്. റംസാനും തമിഴ് പുതുവര്ഷവും വിഷുവും ഒക്കെ ചേര്ന്നുവരുന്ന തീയതി ആയിരിക്കും ഇത്.
ചിത്രത്തില് പ്രതിനായകനായി എത്തുന്നത് ബോളിവുഡ് താരം ബോബി ഡിയോള് ആണ്. ബോബിയുടെ കോളിവുഡ് അരങ്ങേറ്റവുമായിരിക്കും ഈ ചിത്രം. പിരീഡ് ആക്ഷന് ഡ്രാമ വിഭാഗത്തില് പെടുന്ന ചിത്രമാണ് ഇത്.
ദിഷ പഠാനി നായികയാവുന്ന ചിത്രത്തിന്റെ ഛായാഗ്രഹണം വെട്രി പളനിസാമിയാണ്. സംഗീതം ദേവി ശ്രീ പ്രസാദ്, എഡിറ്റിംഗ് നിഷാദ് യൂസഫ്, കലാസംവിധാനം മിലന്, ആക്ഷന് സുപ്രീം സുന്ദര്, സംഭാഷണം മദന് കാര്ക്കി.