13 ഇനം സബ്സിഡി സാധനങ്ങളുമായി സപ്ലൈകോയുടെ ക്രിസ്തുമസ് ന്യൂയർ ഫെയറിന് നാളെ തുടക്കമാവും. സബ്സിഡി സാധനങ്ങൾക്ക് പുറമേ സബ്സിഡി ഇതര സാധനങ്ങൾക്കും വിലക്കിഴിവോടെയാണ് ക്രിസ്തുമസ് ന്യൂയർ ആരംഭം കുറിക്കുന്നത്. പരിപാടിയുടെ സംസ്ഥാനതല ഉദ്ഘാടനം തിരുവനന്തപുരം പുത്തരിക്കണ്ടത്ത് നടക്കും.
ഹോർട്ടികോർപ്പിന്റെയും മിൽമയുടെയും സ്റ്റാളുകളടക്കം തിരുവനന്തപുരത്തിന് പുറമേ കൊല്ലം, പത്തനംതിട്ട, കോട്ടയം, എറണാകുളം, തൃശ്ശൂർ ജില്ലകളിൽ ചന്തകൾ ഉണ്ടാകും. 19 കോടി രൂപയാണ് സപ്ലൈകോയുടെയും കൺസ്യൂമർഫെഡിന്റെയും ക്രിസ്മസ് പുതുവത്സര ചന്തകൾക്കായി സർക്കാർ അനുവദിച്ചത്. ഡിസംബർ 23 മുതൽ എല്ലാ ജില്ലാ കേന്ദ്രങ്ങളിലും പ്രവർത്തിക്കുന്ന ചന്തകൾ ഡിസംബർ 30ന് സമാപിക്കും.