ആർത്തവ സമയത്ത് ഉപയോഗിക്കാൻ സാനിറ്ററി നാപ്കിനുകൾ, ടാംപോണുകൾ, മെൻസ്ട്രൽ കപ്പുകൾ എന്നിങ്ങനെ നിരവധി സാധനങ്ങൾ ഉണ്ട്.ഇക്കൂട്ടത്തിൽ മെൻസ്ട്രൽ കപ്പുകൾ ഉപയോഗിച്ച് തുടങ്ങിയ നിരവധി പേരുണ്ട്. എന്നാൽ ടാംപോണുകളെ അധികമാരും പരീക്ഷിച്ച് നോക്കാറില്ല.സിലിണ്ടർ രൂപത്തിലാണ് ടാംപോണുകൾ ഉള്ളത്. ഇവ കാഴ്ചയിലും ചെറുതായതിനാൽ കൈകാര്യം ചെയ്യാനും എളുപ്പമാണ്. ആർത്തവ സമയത്ത് യോനിക്ക് അകത്തേക്ക് ടാംപോൺ കയറ്റി വയ്ക്കുകയാണ് ചെയ്യേണ്ടത്.
നീന്തൽ കുളത്തിലും മറ്റും പോകുമ്പോൾ ധൈര്യമായി ഉപയോഗിക്കാം. അടിവസ്ത്രത്തിൽ ഒരിക്കലും കറ പുരളുകയില്ല. ടാംപോൺ വച്ചിട്ടുണ്ടെന്ന് സ്വയം തോന്നുക പോലുമില്ല.ആർത്തവ സമയത്ത് ശുചിമുറിയിൽ ഇടയ്ക്കിടെ പോകേണ്ടി വന്നാലും അതൊരിക്കലും ടാംപോണിനെ ബാധിക്കില്ല.പാഡുകൾ ഉപയോഗിക്കുന്ന സമയത്ത്, നിൽക്കുമ്പോഴും ഇരിക്കുമ്പോഴുമൊക്കെ അതിന്റെ സ്ഥാനം മാറിയാൽ അത് വീണ്ടും ശരിയാക്കി വയ്ക്കേണ്ട ബാധ്യതയുണ്ട്. എന്നാൽ ടാംപോണുകൾ വച്ചാൽ അത് പിന്നീട് തിരിച്ചെടുക്കുന്നതുവരെ സ്ഥാനം മാറുകയില്ല.ടാംപോൺ വയ്ക്കുമ്പോൾ അത് ശരിയായ രീതിയിൽ തന്നെ വയ്ക്കേണ്ടതാണ്. ആറ് മുതൽ എട്ട് മണിക്കൂറിനകം ടാംപോൺ മാറ്റണം.