ഫോക്സ്വാഗണ് ഇന്ത്യ, ഉത്സവ സീസൺ പ്രമാണിച്ച് ഉപഭോക്താക്കള്ക്ക് പ്രത്യേക ഓഫറുകളും ആകര്ഷകമായ ആനുകൂല്യങ്ങളും വാഗ്ദാനം ചെയ്ത് ഫോക്സ്ഫെസ്റ്റ് 2023ന്റെ പ്രഖ്യാപനം വന്നു. ഫെസ്റ്റിന് മുന്നോടിയായി ഫോക്സ്വാഗന്റെ ജനപ്രിയ മോഡലുകളായ ടൈഗണ്, വിര്ട്ടസ് എന്നിവയില് പുതിയ ഫീച്ചര് മെച്ചപ്പെടുത്തലുകള് കമ്പനി അവതരിപ്പിച്ചു. കൂടാതെ വിര്ട്ടസ് മാറ്റ് എഡിഷന് (കാര്ബണ് സ്റ്റീല് ഗ്രേ മാറ്റ്) പുറത്തിറക്കി അതിന്റെ ജിടി എഡ്ജ് ശേഖരവും വിപുലീകരിച്ചിട്ടുണ്ട്.
ഫോക്സ്വാഗണ് വാര്ഷിക ആഘോഷങ്ങളുടെ ഭാഗമായി 2023 ഒക്ടോബര് 03 മുതല് നവംബര് 15 വരെ കമ്പനിയുടെ 189 വില്പന കേന്ദ്രങ്ങളിലും, 133 സര്വീസ് ടച്ച്പോയിന്റുകളിലുടനീളവും പ്രത്യേക ഓഫറുകളും ആകര്ഷകമായ നിരവധി ആനുകൂല്യങ്ങളും ഉപഭോക്താക്കള്ക്ക് ലഭ്യമാകും. ഫോക്സ്ഫെസ്റ്റ് 2023 കാലയളവില് ബുക്കിങുകള്ക്കും ടെസ്റ്റ് ഡ്രൈവുകള്ക്കും ഉറപ്പായ സമ്മാനങ്ങളും ഫോക്സ്വാഗണ് പ്രഖ്യാപിച്ചു.