സംസ്ഥാനത്ത് ലോഡ് ഷെഡിങ് ഉടൻ ഉണ്ടാവില്ല. ഉടൻ സംസ്ഥാനത്ത് ലോഡ് ഷെഡിങ് ഏർപ്പെടുത്താൻ ആലോചിക്കുന്നില്ലെന്ന് വൈദ്യുതി മന്ത്രി കെ കൃഷ്ണൻകുട്ടി പറഞ്ഞു. അടുത്തിടെയാണ് സംസ്ഥാനത്ത് വൈദ്യുതി ഉപഭോഗം സർവ്വകാല റെക്കോർഡിൽ എത്തിയത്.വൈദ്യുതിയുടെ അമിത ഉപഭോഗമാണ് അപ്രഖ്യാപിത ലോഡിങ്ങിലേക്ക് നയിച്ചത് എന്നും ഉപഭോഗം നിയന്ത്രിക്കാൻ സാധിക്കാത്ത പക്ഷം സംസ്ഥാനത്ത് കടുത്ത വൈദ്യുത പ്രതിസന്ധി ഉണ്ടാകുമെന്നും മന്ത്രി പറഞ്ഞു. സംസ്ഥാനത്ത് വൈദ്യുതി ഉപഭോഗം 110 ദശലക്ഷം യൂണിറ്റ് വരെ എത്തി സർവകാല റെക്കോർഡ് രേഖപ്പെടുത്തിയിരുന്നു. ഇത് വൻ പ്രതിസന്ധിയാണ് സൃഷ്ടിക്കുന്നത് എന്നും വൈദ്യുത മന്ത്രി പറഞ്ഞു.
കഴിഞ്ഞദിവസം സംസ്ഥാനത്തെ ചില ജില്ലകളിൽ ഉഷ്ണ തരംഗത്തിന് സാധ്യതയുള്ളതായും ജാഗ്രത വേണമെന്നും കേന്ദ്ര കാലാവസ്ഥാവകുപ്പ് മുന്നറിയിപ്പ് നൽകിയിരുന്നു. സൂര്യാഘാതത്തെ തുടർന്ന് സംസ്ഥാനത്ത് രണ്ടുപേർ ഇന്നലെ മരണപ്പെടുകയും ചെയ്തിരുന്നു.അതേസമയം ഉഷ്ണ തരംഗത്തെ തുടർന്ന് മരിച്ചവരെ കുറിച്ചുള്ള വിവരം വരുന്ന ക്യാബിനറ്റ് മീറ്റിംഗിൽ ചർച്ച ചെയ്യുമെന്നും ഇവർക്കുള്ള ധനസഹായം സംബന്ധിച്ച കാര്യങ്ങൾ സർക്കാറിന്റെ ശ്രദ്ധയിൽ കൊണ്ടുവരുമെന്നും മന്ത്രി അറിയിച്ചു.
