പാചകവാതകവില വർധിക്കുന്ന സാഹചര്യത്തിൽ ഹോട്ടലുടമകൾ ഭക്ഷണത്തിന് വില വർധിപ്പിക്കാനൊരുങ്ങുന്നു. ഇന്ധന വില വർധിപ്പിക്കുകയാണെങ്കിൽ ഭക്ഷണത്തിന് വില വർധിപ്പിക്കുകയല്ലാതെ മറ്റു മാർഗങ്ങളില്ലെന്ന് കേരള & റസ്‌റ്റോറന്റ് അസ്സോസ്സിയേഷൻ ഭാരവാഹികൾ അറിയിച്ചു. ഇക്കാര്യങ്ങളെല്ലാം ചൂണ്ടിക്കാണിച്ച് ഹോട്ടലുടമകളുടെ സംഘടന മുഖ്യമന്ത്രിയ്ക്കും, കേന്ദ്ര പെട്രോളിയം മന്ത്രിക്കും കത്തയച്ചു. വാണിജ്യാവശ്യത്തിനുള്ള പാചക വാതകത്തിന്റെ വില കൂടി അനിയന്ത്രിതമായി വർദ്ധിപ്പിച്ചതോടെ നിലവിലെ നിരക്കിൽ ഭക്ഷണം നൽകുകയാണെങ്കിൽ കട അടച്ചുപൂട്ടേണ്ട അവസ്ഥയിലാകുമെന്ന് ഹോട്ടൽ ഉടമകൾ അറിയിച്ചു. 260 രൂപ പാചകവാതകത്തിന് ഒറ്റയടിക്ക് വർധിപ്പിച്ചത് താങ്ങാൻ കഴിയുന്നതല്ലെന്ന് അവർ അറിയിച്ചു. പാചകവാതകവില വർധിച്ചതോടെ നിത്യോപയോഗ സാധനങ്ങളുടെയും വില വര്ധിക്കുവാൻ തുടങ്ങി.
You must be logged in to post a comment Login