തിരുവനന്തപുരം: കൊവിഡ് ചികിത്സയിലായിരുന്ന പാപ്പനംകോട് സ്വദേശിയായ യുവതിയെ പിപിഇ കിറ്റ് ധരിച്ച് വീട്ടിലെത്തി സുഹൃത്ത് പീഡിപ്പിച്ചെന്ന് പരാതി.കൊവിഡ് സന്നദ്ധ പ്രവര്ത്തകനാണു മഹേഷ് പരമേശ്വരൻ. സന്നദ്ധ പ്രവർത്തനങ്ങളിൽ മഹേഷിനൊപ്പം സഹകരിച്ച സുഹൃത്താണ് പീഡന പരാതി നൽകിയത്. പരാതിയെ തുടർന്ന് മഹേഷ് പരമേശ്വരനെതിരെ കരമന പോലീസ് കേസെടുത്തു.
ഏപ്രിൽ മാസം, തനിക്കും പിതാവിനും കൊവിഡ് സ്ഥിരീകരിച്ചതോടെ പിതാവിനെ ആശുപത്രിയിൽ പ്രവേശിപ്പിച്ചു. അച്ഛന് ആശുപത്രിയിലേക്ക് വേണ്ട സാധനങ്ങൾ എടുക്കാൻ പിപിഇ കിറ്റ് ധരിച്ച് വീട്ടിലെക്കുള്ള യാത്രയിൽ യുവതിക്ക് ഒപ്പം മഹേഷും കൂടി. വീട്ടിലെത്തിയ സുഹൃത്തു യുവതിയെ ബലാൽസംഗം ചെയ്തുവെന്നുമാണ് പരാതി. ബലാൽസംഗത്തിന് പിന്നാലെ ആത്മഹത്യക്ക് ശ്രമിച്ച യുവതിയെ വിവാഹ വാഗ്ദാനം നൽകി പിന്തിരിപ്പിച്ചു.കൂടാതെ യുവതിയുടെ അച്ഛനോടും വിവാഹം ചെയ്യാനുള്ള സമ്മതം അറിയിച്ചിരുന്നു.
എന്നാൽ യുവതിയുടെ അച്ഛൻ മരിച്ചതിന് പിന്നാലെ മഹേഷ് പിന്മാറിയെന്നാണ് ആരോപണം. മഹേഷ് വിവാഹിതനാണെന്ന് വെളിപ്പെടുത്തുകയും കൂടാതെ, പട്ടിക ജാതിക്കാരിയായ യുവതിയുടെ ജാതി അധിക്ഷേപം നടത്തിയെന്നും യുവതിയുടെ പരാതിയിൽ ആരോപിക്കുന്നു. പോലീസ് പരായിന്മേൽ മഹേഷിനെതിരെ കേസെടുത്തിട്ടുണ്ട്. ജാതി അധിക്ഷേപം കൂടി ആരോപിക്കുന്നതിനാൽ ഫോർട്ട് അസിസ്റ്റന്റ് കമ്മീഷണർക്കാണ് അന്വേഷണ ചുമതല.
You must be logged in to post a comment Login