വാഹന വിപണിയിൽ ഇന്ത്യയിൽ ഏറെ മാറ്റങ്ങൾക്ക് വഴിതെളിച്ച ബൈക്കാണ് ബജാജ് പൾസർ. വിപണിയിലെത്തി 20 വർഷം ആഘോഷിക്കുന്ന പൾസർ ഉപഭോക്താക്കൾക്കായി അടിപൊളി ഓഫറുകളുമായി എത്തിയിരിക്കുന്നു.
കേരളാ വിപണിക്കായി ഏറ്റവും മികച്ച ഓണം ഇളവുകളാണ് ബജാജ് ഒരുക്കിയിരിക്കുന്നത് .പുതിയ പൾസർ സ്വന്തമാക്കുന്നവർക്ക് 3000 രൂപ വരെ ഇളവ് നൽകുന്നുണ്ട്. കൂടാതെ 18168 രൂപ എന്ന കുറഞ്ഞ ഡൗൺപേമെന്റിൽ പൾസർ സ്വന്തമാക്കാം.
നിലവിലുള്ള പൾസർ ഉപഭോക്താക്കൾക്കായി സർവീസ് കാർണിവല്ലും ബജാജ് സംഘടിപ്പിക്കുന്നണ്ട്. ഈ മാസം 9ന് ആരംഭിച്ച സർവീസ് കാർണിവൽ 18 ന് അവസാനിക്കും. സൗജന്യ 10 പോയിന്റ് ഹെൽത് ചെക്കപ്പ്, ലേബർ ചാർജിൽ 10 ശതമാനം ഇളവ്, സ്പെയർ പാർട്സുകളിൽ ഇളവ് എന്നിവ ബജാജ് നൽകുന്നുണ്ട്. കൂടാതെ മികച്ച ഇളവുകളോടെ പഴയ പൾസർ മാറ്റി പുതിയത് എടുക്കാനുള്ള അവസരം ഒരുക്കിയിരിക്കുന്നു.
You must be logged in to post a comment Login