സുഭാഷ് ലളിത സുബ്രഹ്മണ്യൻ രചനയും സംവിധാനവും നിർവഹിക്കുന്ന ചാൾസ് എന്റർപ്രൈസസ് എന്ന ചിത്രത്തിലൂടെ മിന്നൽ മുരളിക്ക് ശേഷം ഗുരു സോമസുന്ദരം വീണ്ടും മലയാളത്തിലേക്ക് നടൻ മോഹൻലാൽ തന്റെ ഫെയ്സ്ബുക്ക് പേജിലൂടെ ചിത്രത്തിന്റെ ഫസ്റ്റ്ലുക്ക് പോസ്റ്റർ പുറത്തിറക്കി.
മദ്രാസ്, കബാലി, താനാ സേർന്ത കൂട്ടം, സാർപ്പട്ട പരമ്പര തുടങ്ങി നിരവധി തമിഴ് ചിത്രങ്ങളിലൂടെ ശ്രദ്ധേയനായ കലൈയരസൻ ആദ്യമായി അഭിനയിക്കുന്ന മലയാള ചിത്രം കൂടിയാണ് ചാൾസ് എന്റർപ്രൈസസ്.ഉർവശി, ബാലു വർഗീസ്, ബേസിൽ ജോസഫ്, കലൈയരസൻ എന്നിവരും പ്രധാനവേഷങ്ങളിലുണ്ട്.
ജോയ് മൂവി പ്രൊഡക്ഷൻസിന്റെ ബാനറിൽ ഡോ. അജിത് ജോയ് ആണ് ചിത്രം നിർമിക്കുന്നത്. പ്രദീപ് മേനോനാണ് സഹനിർമാണം.കഴിഞ്ഞദിവസം ചിത്രീകരണം ആരംഭിച്ച സിനിമയുടെ ഛായാഗ്രഹണം നിർവഹിക്കുന്നത് സ്വരൂപ് ഫിലിപ്പ് ആണ്. സുബ്രഹ്മണ്യൻ കെ.വിയാണ് സംഗീതസംവിധാനം. അൻവലി, ഇമ്പാച്ചി, നാച്ചി എന്നിവർ ചേർന്നാണ് ഗാനരചന. മനു ജഗത് കലാസംവിധാനവും എഡിറ്റിങ് അച്ചു വിജയനും വസ്ത്രാലങ്കാരം അരവിന്ദ് കെ.ആറും നിർവഹിക്കുന്നു.
You must be logged in to post a comment Login