തിരുവനന്തപുരം: കെ കെ രമ എംഎൽഎയ്ക്കെതിരായ മുൻ മന്ത്രി എം എം മണിയുടെ പ്രസ്താവന തിരുത്തേണ്ടതില്ലെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. നിയമസഭയിൽ പറഞ്ഞ കാര്യങ്ങൾ അവിടെ അവസാനിക്കണം. ടി പി കൊലപാതകത്തിൽ സിപിഎമ്മിന് പങ്കില്ലെന്ന് വ്യക്തമാക്കാനാണ് മണി പറഞ്ഞതെന്ന് കോടിയേരി പറഞ്ഞു.
വികസന പരിപാടികൾ കാണാൻ വിദേശകാര്യമന്ത്രി എസ് ജയശങ്കർ കേരള സന്ദർശനം നടത്തിയതിന് പിന്നിൽ ദുരുദ്ദേശ്യമുണ്ടെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. വിദേശകാര്യമന്ത്രി ഇടപെടേണ്ടിയിരുന്ന വിഷയത്തിൽ അദ്ദേഹം ഇടപെട്ടില്ല. കഴിഞ്ഞ നിയമസഭാ, ലോക്സഭാ തിരഞ്ഞെടുപ്പുകളിൽ കേന്ദ്രമന്ത്രിമാർ കൂടാരങ്ങളിൽ ഇരുന്നിട്ടും ഒരു സീറ്റിൽ പോലും വിജയിക്കാൻ ബിജെപിക്ക് കഴിഞ്ഞിരുന്നില്ല. പ്രഖ്യാപിച്ച പദ്ധതികളൊന്നും കേന്ദ്രം നടപ്പാക്കുന്നില്ല. പാലക്കാട്ടെ കോച്ച് ഫാക്ടറിയെ സംബന്ധിച്ചിടത്തോളം ഇപ്പോൾ ഒരു ചലനവുമില്ല. നേരത്തെ പ്രഖ്യാപിച്ച റെയിൽവേ മെഡിക്കൽ കോളേജ് ഓർമയായി മാറിയിരിക്കുന്നു.
45 മീറ്റർ വീതിയുള്ള ദേശീയപാത കേന്ദ്രവും സംസ്ഥാനവും പുതുക്കിപ്പണിയുകയാണ്. ഭൂമി ഏറ്റെടുക്കൽ ചെലവിന്‍റെ 25 ശതമാനം കേരളമാണ് വഹിക്കുന്നത്. ഇതിന് പിന്നാലെയാണ് ദേശീയപാതാ വികസന പദ്ധതികൾക്ക് കേന്ദ്രം അനുമതി നൽകിയതെന്നും കോടിയേരി പറഞ്ഞു. വി ഡി സതീശനെ കുറിച്ചും പറഞ്ഞു. കാര്യങ്ങൾ പഠിക്കുകയും മനസ്സിലാക്കുകയും ചെയ്യുന്ന ആളാണ് സതീശൻ. പറവൂരിൽ തോറ്റതോടെ ആർ.എസ്.എസ് വോട്ടുകൾ വാങ്ങാൻ തീരുമാനിച്ചത് എന്തായാലും തിരഞ്ഞെടുപ്പിൽ വിജയിക്കുമെന്ന് കരുതിയാണ്. അതുകൊണ്ടാണ് വിചാരകേന്ദ്രത്തിന്‍റെ പരിപാടിയിൽ പങ്കെടുത്തത്. സത്യം പറയാതെ ഒളിച്ചുകളിക്കുകയാണ് വി ഡി സതീശൻ. സി.പി.എം നേതാവ് വി.എസും പരിപാടിയിൽ പങ്കെടുത്തിരുന്നു. ആർഎസ്എസിനെതിരെ സംസാരിക്കാനാണ് വിഎസ് പോയത്. വിഡി സതീശൻ ആ പരിപാടിയിൽ ആർഎസ്എസിനെ വിമർശിച്ചിരുന്നോ എന്നും കോടിയേരി ചോദിച്ചു.
