മിക്ക ആളുകളിലും ഇന്ന് കണ്ടുവരുന്നത് ‘ടൈപ്പ് 2’ പ്രമേഹമാണ്. ഭക്ഷണം, ഉറക്കം, ചിട്ടയായ വ്യായാമം, മരുന്നുകള്, ആരോഗ്യകരമായ മാനസികാവസ്ഥ എന്നി കാര്യങ്ങള് ശ്രദ്ധിക്കുന്നത് പ്രമേഹത്തെ നിയന്ത്രിക്കാന് സഹായിക്കും. രക്തത്തിലെ പഞ്ചസാര കുറയ്ക്കാന് ചില സുഗന്ധവ്യജ്ഞനങ്ങള് നല്ലതാണെന്ന് ന്യൂട്രീഷ്യന്മാര് പറയുന്നത്. അത്തരത്തില് പ്രമേഹ രോഗികള്ക്ക് കഴിക്കാവുന്ന ചില സുഗന്ധവ്യജ്ഞനങ്ങൾ എന്തൊക്കെയെന്ന് പരിചയപ്പെടാം…
ഒന്ന്…
കറുവപ്പട്ട ആണ് ഈ പട്ടികയില് ആദ്യമായി ഉള്പ്പെടുന്നത്. നിരവധി ഔഷധ ഗുണങ്ങളുള്ള ഒരു സുഗന്ധവ്യജ്ഞനമാണ് കറുവപ്പട്ട. രക്തത്തിലെ പഞ്ചസാരയുടെ അളവ് നിയന്ത്രിച്ച് നിർത്താൻ ഇവ സഹായിക്കും.
രണ്ട്…
മഞ്ഞളാണ് രണ്ടാമതായി ഈ ലിസ്റ്റിൽ ഉള്പ്പെടുന്നത്. കുര്കുമിന് എന്ന രാസവസ്തുവാണ് മഞ്ഞളിന് മഞ്ഞ അതിന്റെ നിറം നല്കുന്നത്. ഇത് രക്തത്തിലെ പഞ്ചസാരയുടെ അളവ് നിയന്ത്രിക്കാന് വളരെ നല്ലതാണ്.
മൂന്ന്…
അടുത്തതായി ഈ പട്ടികയില് ഉള്പ്പെടുന്നത് ഉലുവയാണ്. ഫൈബര് ധാരാളം അടങ്ങിയ ഉലുവ രക്തത്തിലെ പഞ്ചസാരയുടെ അളവിനെ നിയന്ത്രിച്ച് നിലനിർത്തും.
നാല്…
നാലാമതായി ഈ പട്ടികയില് ഉള്പ്പെടുന്നത് ഇഞ്ചിയാണ്. ജിഞ്ചറോൾസ്, ഷോഗോൾസ് എന്നറിയപ്പെടുന്ന സംയുക്തങ്ങൾ ഇഞ്ചിയിൽ അടങ്ങിയിട്ടുണ്ട്. ഇത് പ്രമേഹത്തെ നിയന്ത്രിക്കാന് വളരെ നല്ലതാണ്.
അഞ്ച്…
ഗ്രാമ്പൂ ആണ് അവസാനമായി ഈ പട്ടികയിലെ ചേരുവ. ഇവ ഇന്സുലിന് ഉല്പാദനത്തെ സഹായിക്കും. അതിനാല് പ്രമേഹ രോഗികള്ക്ക് ഇവ ഡയറ്റില് ഉള്പ്പെടുത്താം.