കരാർ ലംഘിച്ച് ചിത്രം തിയറ്ററിനൊപ്പം ഡിസ്നി പ്ലസ് യുഎസിൽ റിലീസ് ചെയ്തതിനെ തുടർന്നാണ് സ്കാർലറ്റ് നിയമനടപടി സ്വീകരിച്ചത്.ബ്ലാക്ക് വിഡോ ഒടിടി റിലീസിനെതിരേ നടി സ്കാർലെറ്റ് ജൊഹാൻസൺ നിയമനടപടി സ്വീകരിക്കുന്ന വാർത്ത കഴിഞ്ഞ ദിവസമാണ് പുറത്ത് വന്നത്. ചിത്രത്തിൽ കേന്ദ്രകഥാപാത്രത്തെ അവതരിപ്പിക്കുന്ന സ്കാർലറ്റും മാർവൽ സ്റ്റുഡിയോസും തമ്മിലുള്ള കരാറിൽ ചിത്രം തിയേറ്റർ റിലീസ് മാത്രമായിരിക്കുമെന്നാണ് ഉണ്ടായിരുന്നത്.മാർവൽ എന്റർട്ടെയിൻമെന്റുമായുള്ള സ്കാർലെറ്റ് ജൊഹാൻസണിന്റെ കരാർ ഡിസ്നി ലംഘിച്ചതിലൂടെ മുഴുവൻ പ്രതിഫലവും ലഭിക്കില്ലെന്ന് സ്കാർലറ്റ് നൽകിയ ഹർജിയിൽ പറയുന്നു. ബ്ലാക്ക് വിഡോസ് ഒടിടിയിൽ റിലീസ് ചെയ്യുന്നതിലൂടെ സ്ബസ്ക്രൈബേഴ്സിന്റെ എണ്ണം വർധിപ്പിക്കാനാകുമെന്ന കച്ചവട താൽപര്യംകൂടി ഡിസ്നിയ്ക്കുണ്ടെന്ന് സ്കാർലറ്റ് ആരോപിച്ചു. ഡിസ്നിയും മാർവൽ എന്റർട്ടെയിൻമെന്റുമായുള്ള കരാർ അനുസരിച്ച് ചിത്രം തിയറ്ററിൽ ആദ്യം റിലീസ് ചെയ്യുമെന്നാണ് പറഞ്ഞിരുന്നത്. എന്നാൽ തിയേറ്ററുകളിലും ഒടിടി പ്ലാറ്റ്ഫോമിലും (ഹൈബ്രിഡ് റിലീസ്) ഒരേ സമയം ചിത്രം പ്രദർശനത്തിനെത്തി. ചിത്രത്തിന്റെ ബോക്സ് ഓഫീസ് പ്രകടനം അനുസരിച്ചായിരുന്നു തന്റെ പ്രതിഫലം തീരുമാനിച്ചിരുന്നതെന്ന്. ഒടിടി റിലീസിലൂടെ സ്കാർലറ്റിന് ഏകദേശം 350 കോടിയുടെ നഷ്ടമാണ് വന്നതെന്നാണ് പുതിയ റിപ്പോർട്ട് .
You must be logged in to post a comment Login