ഗണേശോത്സവ ഘോഷയാത്ര ഇന്ന്

തിരുവനന്തപുരം: ഗണേശോത്സവ ട്രസ്റ്റിന്റെ ആഭിമുഖ്യത്തിൽ ഓഗസ്റ്റ് 28 ന് ആരംഭിച്ച ഗണേശോത്സവ പൂജാ ആഘോഷ ചടങ്ങുകൾക്ക് സമാപനം കുറിച്ചുകൊണ്ടുള്ള ഗണേശവിഗ്രഹ ഘോഷയാത്ര ഇന്ന് നടക്കും. ജില്ലയുടെ വിവിധ കേന്ദ്രങ്ങളിൽ നിന്നുള്ള ചെറുഘോഷയാത്രകൾ പഴവങ്ങാടി ഗണപതി ക്ഷേത്ര സന്നിധിയിൽ സംഗമിക്കും. തുടർന്ന് കിഴക്കേകോട്ടയിൽ വൈകിട്ട് 4ന് ട്രസ്റ്റ് ചെയർമാൻ ഡോ. ജി. മാധവൻനായരുടെ അധ്യക്ഷതയിൽ ചേരുന്ന സാംസ്കാരിക സമ്മേളനം കെ. മുരളീധരൻ എം.പി ഉദ്ഘാടനം ചെയ്യും.മുൻമന്ത്രി വി.എസ്. ശിവകുമാർ, അഡീഷനൽ അഡ്വക്കറ്റ് ജനറൽ കെ.പി. ജയചന്ദ്രൻ, ശാന്തിഗിരി ആശ്രമം ജനറൽ സെക്രട്ടറി സ്വാമി ഗുരുരത്നം ജ്ഞാനതപസ്വി, തുടങ്ങിയവർ പങ്കെടുക്കും.4.30 ന് പഴവങ്ങാടി ഗണപതി ക്ഷേത്രത്തിൽ നിന്നും പകർന്നു നൽകുന്ന ദീപം ഗണേശവിഗ്രഹത്തിനു മുന്നിൽ തെളിക്കുന്നതോടു കൂടി ഘോഷയാത്ര ആരംഭിക്കും.