ന്യൂഡല്‍ഹി: മലബാറിൽ പര്യടനം നടത്തിയ തരൂരിന്റെ നീക്കം പാർട്ടി വിരുദ്ധമായി കണക്കാക്കുന്നില്ലെന്ന് കേരളത്തിന്‍റെ ചുമതലയുള്ള എഐസിസി ജനറൽ സെക്രട്ടറി താരിഖ് അന്‍വര്‍ പറഞ്ഞു. തരൂരിനെതിരെ പരാതികളൊന്നും ലഭിച്ചിട്ടില്ലെന്നും വിഷയത്തിൽ എ.ഐ.സി.സി അടിയന്തരമായി ഇടപെടേണ്ട ആവശ്യമില്ലെന്നും താരിഖ് അന്‍വർ പറഞ്ഞു.
ഇപ്പോൾ അതൊരു ചെറിയ കാര്യം മാത്രമാണ്. ഗ്രൂപ്പിസം ഇല്ല. വിഷയത്തിൽ കെ.പി.സി.സി പ്രസിഡന്‍റുമായി സംസാരിച്ചിട്ടുണ്ടെന്നും കെ.പി.സി.സി തന്നെ പ്രശ്നം പരിഹരിക്കുമെന്നും അദ്ദേഹം പറഞ്ഞു.
അതേസമയം, വെള്ളിയാഴ്ച കേരളത്തിലെത്തുന്ന താരിഖ് അന്‍വർ കോഴിക്കോട് കോൺഗ്രസ് നേതാക്കളുമായി കൂടിക്കാഴ്ച നടത്തിയേക്കും. ശശി തരൂർ വിഷയവും യോഗത്തിൽ ചർച്ചയായേക്കും.
