യുഎഇ ദേശീയ ദിനത്തോട് അനുബന്ധിച്ച് വിമാന സർവീസുകളിൽ വൻ ഓഫറുകൾ പ്രഖ്യാപിച്ച് എയർ ഇന്ത്യ എക്സ്പ്രസ്. തിരഞ്ഞെടുത്ത റൂട്ടുകളിലേക്ക് 15 ശതമാനം വരെയാണ് ഇളവ് പ്രഖ്യാപിച്ചിരിക്കുന്നത്.
ഇന്നും നാളെയും നടത്തുന്ന ബുക്കിംഗുകൾക്കാണ് ഇളവുകൾ നൽകുന്നത്. 2024 മാർച്ച് 31 വരെയുള്ള യാത്രകൾക്ക് ഈ ഇളവുകൾ ലഭിക്കുന്നതാണ്. എയർലൈനിന്റെ ആപ്പിലും, ഔദ്യോഗിക വെബ്സൈറ്റിലും ലോഗിൻ ചെയ്ത് ബുക്ക് ചെയ്യുന്നവർക്ക്, യാത്രാ സമയത്ത് സൗജന്യ ഫ്രഷ് ഫ്രൂട്ട് പ്ലാറ്ററും ലഭിക്കുന്നതാണ്.
അതേസമയം ആഭ്യന്തര, അന്താരാഷ്ട്ര വിമാന ടിക്കറ്റുകള്ക്ക് എയര് ഇന്ത്യ എക്സ്പ്രസ് വന് ഇളവ് പ്രഖ്യാപിച്ചിരുന്നു. ‘ക്രിസ്മസ് കംസ് ഏര്ലി’ എന്ന പുതിയ ഓഫറിലൂടെയാണ് വിമാന ടിക്കറ്റുകള്ക്ക് 30 ശതമാനം വരെ ഇളവ് പ്രഖ്യാപിച്ചിരിക്കുന്നത്.
ആഴ്ചയിൽ 195 സർവീസുകളാണ് എയർ ഇന്ത്യ എക്സ്പ്രസ് യുഎഇലേക്ക് നടത്തുന്നത്. 80 സർവീസുകൾ ദുബായിലേക്കും, 77 സർവീസുകൾ ഷാർജയിലേക്കും, 31 സർവീസുകൾ അബുദാബിയിലേക്കും എയർ ഇന്ത്യ എക്സ്പ്രസ് നടത്തുന്നുണ്ട്.